చిరు సినిమాలో ఆర్ఎక్స్ 100 హీరో?
మెగాస్టార్ చిరంజీవితో సినిమా చేయడం టాలీవుడ్ లో అందరి కల. ఆయన సినిమాలో చిన్న పాత్ర అయినా ఓకే అనేస్తారు. ఇప్పుడు ఆ ఛాన్స్ ను ఆర్ఎక్స్ 100 హీరో కొట్టేశాడని తెలుస్తోంది. కొత్తవాళ్ళకు అవకాశాలు ఇవ్వాలని చిరు అనుకుంటున్నారని అందుకే కార్తికేయకు ఈ అవకాశం వచ్చిందని టాక్.
చిరంజీవి ఈమధ్య తన పంథాను పూర్తిగా మార్చేశారు. కొత్తడైరెక్టర్లు, కొత్త యాక్టర్లు...ఇలా అందరూ కొత్త వాళ్ళతోనే సినిమాలు చేయడానికి ఇంట్రెస్ట్ చూపిస్తున్నారు. గాడ్ ఫాథర్ సినిమాలో సత్య దేవ్ విలన్ గా నటించడానికి కూడా ఇదే కారణం. బ్లఫ్ మాస్టర్ లో సత్యదేవ్ యాక్టింగ్ కు ఫిదా అయిపోయిన చిరు గాడ్ ఫాదర్ లో విలన్ అతన్ని రిఫర్ చేశారని చెప్తారు. ఇప్పుడు కార్తికేయకు కూడా అలాగే ఛాన్స్ ఇవ్వాలని చిరు చెబుతున్నారుట. కల్యాణ కృష్ణ డైరెక్ట్ చేస్తున్న తన నెక్స్ట్ సినిమాలో చిరు కార్తికేయను విలన్ గా తీసుకోవాలని రిఫర్ చేశారుట.
ఆర్ఎక్స్ 100తో టాలీవుడ్ లోకి వచ్చిన కార్తికేయ చిరంజీవి వీరఅభిమాని. హీరోగా ఎంట్రీ ఇచ్చిన కార్తికేయ ఆ తర్వాత విలన్ గా కూడా సినిమాలు చేశాడు. నాని గ్యాంగ్ లీడర్ లోనూ, తమిళ సినిమా వలిమై లోనూ విలన్ గా మెప్పించాడు. వలిమైలో హీరో అజిత్ కు థీటుగా యాక్ట్ చేసి శభాష్ అనిపిసంుకున్నాడు. అందుకే ఇప్పుడు చిరంజీవి అతడిని తన సినిమాలో విలన్ గా తీసుకోవాలని అనుకున్నారుట.
rx 100 movie hero karthikeya is acting in chiru's next movie?కల్యాణ్ కృష్ణ డైరక్షన్ లో చేయబోయే సినిమాలో త్రిషను హీరోయిన్ గా అనుకుంటున్నారని కూడా టాక్ వినిపిస్తోంది. అయితే త్రిష, కార్తికేయల గురించి అఫీషియల్ అనౌన్స్ మెంట్ ఎక్కడా రాలేదు. కానీ పక్క భాషల నుంచి విలన్లను తీసుకురావడం కన్నా ఇలా తెలుగు వాళ్లనే విలన్ గా పెట్టుకుంటే మంచిదని డైరెక్టర్, చిరంజీవి స్ట్రాంగ్ గా అనుకుంటున్నారని బలంగా వినిపిస్తోంది.
