𝑩𝑶𝑿 𝑶𝑭𝑭𝑰𝑪𝑬 𝑲𝑨 𝑺𝑨𝑳𝑨𝑨𝑹: సలార్ ఫీవర్.. మూడు రోజుల్లో రూ.400 కోట్లు

పాన్ ఇండియా స్టార్ ప్రభాస్, కేజీఎఫ్ ఫేమ్ ప్రశాంత్ నీల్ కాంబోలో తెరకెక్కిన మోస్ట్ అవైటెడ్ యాక్షన్ మూవీ సలార్- పార్ట్ 1 సీజ్‍ ఫైర్ సినిమా బాక్సాఫీస్ వద్ద వసూళ్ల సునామీ సృష్టిస్తోంది. డిసెంబర్ 22వ తేదీన థియేటర్లలో రిలీజ్ అయిన ఈ చిత్రం సూపర్​ కలెక్షన్లతో సత్తాచాటుతోంది. 2023లో అత్యధిక ఓపెనింగ్ డే కలెక్షన్లు సాధించిన భారతీయ మూవీగా నిలిచింది. మూడు రోజులు కలిపి ఈ సినిమా రూ.400 కోట్లకు పైగా వసూలు చేశాయి. ఇంకో రోజులో ఈ సినిమా రూ.500 కోట్ల క్లబ్​లోకి చేరుకుంటుందని టాక్. సోమవారం క్రిస్మస్ హాలీడే, మంగళవారం హాఫ్​ డే కనుక ఈ సినిమా భారీ వసూళ్లు రాబట్టే అవకాశముంది. ప్రపంచవ్యాప్తంగా తొలి రోజు రూ.176 కోట్లు, రెండో రోజు రూ.119 కోట్ల, మూడో రోజు రూ.100 కోట్లకు పైగా కలెక్షన్లను సాధించినట్లు చిత్రబృందం అధికారికంగా ప్రకటించింది.

𝑩𝑶𝑿 𝑶𝑭𝑭𝑰𝑪𝑬 𝑲𝑨 𝑺𝑨𝑳𝑨𝑨𝑹 🔥#BlockbusterSalaar hits 𝟒𝟎𝟐 𝐂𝐑𝐎𝐑𝐄𝐒 𝐆𝐁𝐎𝐂 (worldwide) 𝐢𝐧 𝟑 𝐃𝐚𝐲𝐬!#RecordBreakingSalaar #SalaarRulingBoxOffice#Salaar #SalaarCeaseFire #Prabhas #PrashanthNeel @PrithviOfficial @shrutihaasan @VKiragandur @hombalefilms… pic.twitter.com/C8rFGeSs86

— Salaar (@SalaarTheSaga) December 25, 2023

నైజాంలో ఈ సినిమా మూడు రోజులు కలిపి రూ.44.80 కోట్లకుపైగా షేర్ సాధించినట్లు ట్రేడ్ పండితులు చెబుతున్నారు. ఆంధ్రలో కూడా భారీగానే వసూళ్లు రాబడుతున్నట్లు తెలుస్తోంది. సలార్ చిత్రంలో ప్రభాస్‍ ఎలివేషన్లుకు ఫ్యాన్స్ ఫిదా అయిపోయారు. ప్రభాస్ కటౌట్‍కు ఇది సరైన సినిమా అని ప్రశంసిస్తున్నారు. ప్రాణ స్నేహితులుగా ఉండే ఇద్దరు వ్యక్తులు బద్ద శత్రువులుగా ఎలా మారారు అనే విషయంపై ఈ మూవీ తెరకెక్కింది. ఈ చిత్రంలో శ్రుతి హాసన్, ఈశ్వరీ రావు, జగపతి బాబు, శ్రియా రెడ్డి, బాబీ సింహా తదితరులు కీలక పాత్రలు పోషించారు. హోంబలే ఫిల్మ్స్ పతాకంపై ప్రొడ్యూసర్ విజయ్ కిరంగదూర్ ఈ చిత్రాన్ని నిర్మించారు. రవి బస్రూర్ సంగీతం అందించారు.