ప్రభాస్ ఫ్యాన్స్కు యాక్షన్ ట్రీట్.. సలార్ ట్రైలర్ మామూలుగా లేదుగా

పాన్ ఇండియా స్టార్ ప్రభాస్, పృథ్వీరాజ్ సుకుమారన్ ల కొత్త సినిమా సలార్. ప్రశాంత్ నీల్ డైరెక్ట్ చేసిన ఈ సినిమా ఈ నెల 22న ప్రపంచ వ్యాప్తంగా విడుదల కాబోతుంది. కేజీఎఫ్ లాంటి భారీ హిట్ తర్వాత ప్రశాంత్ నీల్ తీస్తున్న సినిమా కావడం.. అది కూడా ప్రభాస్ కథానాయకుడి అవడంతో ఈ చిత్రంపై.. అంచనాలు పీక్స్ లో ఉన్నాయి. ఇప్పటి వరకూ ఉన్న అన్ని రికార్డులను సలార్ చెరిపేస్తుందని విశ్లేషకులు అంచనా వేస్తున్నారు. ప్రశాంత్ నీల్ గత చిత్రం కేజీఎఫ్ లో మదర్ సెంటిమెంట్ ఉంటే.. ఈ సారి ఫ్రెండ్స్ స్టోరీతో వస్తున్నాడు. తన స్నేహితుడి కోసం ప్రాణాలు అడ్డుపెట్టే మరో గొప్ప స్నేహితుడి కథే ఇదని ముందు నుంచీ చెప్తూ వస్తున్నారు. రీసెంట్ గా వచ్చిన ట్రైలర్ చూస్తే ఈ వార్తలే కన్ఫార్మ్ అయిపోయింది.

కాగా సలార్ చిత్ర బృంధం ఇవాళ మధ్యహ్నం రెండు గంటలకు రిలీజ్ ట్రైలర్ ను విడుదల చేసింది. మొదటి ట్రైలర్ లో కాస్త డిసప్పాయింట్ చేసినా.. ఈ ట్రైలర్ తో అంచనాలను మరింత పెంచాయి. బీజీఎం, యాక్షన్ సీన్స్ తో కొత్త ట్రైలర్ పిచ్చెక్కిస్తోందని ఫ్యాన్స్ అంటున్నారు. మూడు డిజాస్టర్ సినిమాల తర్వాత వస్తున్న ఈ ప్రభాస్ సినిమాపై అంతా అంచనాలు పెట్టుకున్నారు. వాటికేమీ తీసిపోలేదని, భారీ హిట్టు పక్కా అంటూ ఖుష్ అవుతున్నారు. బద్ధ శత్రువులుగా మారిన ఇద్దరు ప్రాణ స్నేహితుల కథాంశంలో సలార్ రెండు భాగాలుగా రాబోతుంది. మొదటి పార్ట్ ను సలార్ పార్ట్ 1 సీజ్ ఫైర్ పేరుతో విడుదల చేస్తున్నారు.