మట్టికథ సల్లగుండు నాయన ర్యాప్ సాంగ్ రిలీజ్కు టైం ఫిక్స్..

తెలుగు వెండితెర రియాలిటీకి పట్టడం కడుతోంది. ఇంతవరకు సెల్యూలాయిడ్‌పై కనిపించని ముడిజీవితపు కథలను కొత్త దర్శకులు అద్భుతంగా పరిచయం చేస్తున్నారు. మైక్ మూవీస్ బ్యానర్‌పై వస్తున్న ‘మట్టికథ’ చిత్రం అటువంటిదే. విడుదల కాకముందే అంతర్జాతీయ అవార్డులను కొల్లగొట్టిన ఈ చిత్రం పల్లెటూరి కుర్రకారు ఆశనిరాశలను, ప్రేమలను, సరదాలను సరికొత్తగా కళ్లకు కడుతుంది. ఈ సినిమా నుంచి ఇప్పటికే ఓ సాంగ్ రిలీజ్ అవ్వగా.. ఇప్పుడు మరో సాంగ్ రిలీజ్కు సిద్ధమైంది.

ఈ సినిమాలోని ర్యాప్ సాంగ్ సల్లగుండు నాయన రేపు ఉదయం 11గంటలకు రిలీజ్ కానుంది. ఈ విషయాన్ని మూవీ యూనిట్ అధికారికంగా తెలిపింది. ఈ పాటను ఫేమస్ ఫోక్ సింగర్ కనకవ్వ పాడింది. త్వరలోనే ఈ సినిమా రిలీజ్ కానుంది. పవన్ కడియాల దర్శకత్వం వహించిన ఈ మూవీని మైక్ మూవీస్ బ్యానర్‌పై అన్నపరెడ్డి అప్పిరెడ్డి నిర్మించారు. సతీశ్ మంజీర సహనిర్మాత వ్యవహరిస్తున్నారు. అజయ్ వేడ్ హీరోగా నటించిన ఈ చిత్రంలో ప్రముఖ జానపద గాయని కనకవ్వ, ‘బలగం’ తాత సుధాకర్ రెడ్డి, దయానంద్ రెడ్డి తదితరులు నటించారు. స్మరణ్ సాయి సంగీతం అందించారు.