Samantha cheated : ఎన్నో ఏళ్లు నమ్మకంగా ఉండి.. మోసం చేశాడు: సమంత

టాలీవుడ్ స్టార్ హీరోయిన్ సమంత జీవితంలో ఎవరూ పడనన్ని కష్టాలు పడుతోంది. ఎంతగానో ప్రేమించి పెళ్లి చేసుకున్న భర్తతో విడాకులు జరిగాయి. ఆ డిప్రెషన్ లో ఉండగా.. మయోసైటిస్ వ్యాధి బారిన పడింది. ప్రస్తుతం చికిత్స తీసుకుంటూ సినిమాలను పక్కనబెట్టింది. ఈ క్రమంలో సమంత ఓ వ్యక్తిపై అసహనంగా ఉన్నట్లు తెలుస్తోంది. ఎన్నో ఏళ్ల నుంచి నమ్మకంగా తన దగ్గర పనిచేసిన తన మేనేజర్ ఆర్థికంగా మోసం చేశాడు. సమంతకు తెలియకుండా దాదాపు రూ. కోటి పథకం వేశాడనే వార్తలు చక్కర్లు కొడుతున్నాయి.

ఈ విషయం సమంతకు తెలిసి ఆవేదన చెందిందని టాక్. కుటుంబంలో ఒకరిగా భావించిన వ్యక్తి మోసం చేయడంతో తట్టుకోలేకపోయిన సమంత.. అతన్ని ఉద్యోగంలో నుంచి తొలగించినట్లు ఓ ఇంగ్లిష్ పేపర్ లో వార్తలు వచ్చాయి. ప్రస్తుతం మరో మేనేజర్ ను నియమించుకునే పనిలో సమంత ఉన్నట్లు తెలుస్తోంది. ప్రస్తుతం సమంత ఖుషి సినిమా బిజీలో ఉంది. ఈ సినిమాలో సమంత ఆరాధ్య పాత్రలో కనిపిస్తుందని టాక్. ఫుల్ లవ్ డ్రామాగా సాగే ఈ సినిమా.. యూత్ ఫుల్ ఫ్యామిలీ ఎంటర్ టైనర్ గా విడుదలకు సిద్ధమైంది. రేపు (సెప్టెంబర్ 1) విడుదల కాబోయే ఈ సినిమా ఏమేరకు ఆకట్టుకుంటుందో చూడాలి.