సమంతను ఇంత హ్యాపీగా చూసి చాలాకాలం అయింది’.. ఫ్యాన్స్ ఖుషి
ఏడాది పాటు సినిమాలకు గ్యాప్ ఇచ్చిన స్టార్ హీరోయిన సమంత.. ప్రస్తుతం తన హాలిడేస్ ను ఎంజాయ్ చేస్తోంది. ఈ సందర్భంగా నేచర్ కు దగ్గరగా ఉంటూ.. టైంను హ్యాపీగా గడుపుతోంది. సినిమాలకు దూరం అయినా.. తన ఫ్యాన్స్ కు మాత్రం దగ్గరవుతూనే ఉంది. ఎప్పటికప్పుడు తన ఫొటోలు సోషల్ మీడియాలో షేర్ చేస్తూ అలరిస్తూనే ఉంది. గత కొంత కాలంగా అనారోగ్య సమస్యలతో బాధ పడుతున్న సమంత.. అమెరికాలో ట్రీట్మెంట్ తీసుకుంటున్న విషయం తెలిసిందే. ఈ నేపథ్యంలో దేవాలయాలు, మెడిటేషన్ సెంటర్లు, టూరిస్ట్ స్పాట్లు తిరుగుతూ కొంత ఒత్తిడి తగ్గించుకుంటుంది.
ప్రస్తుతం తన ఫ్రెండ్స్ తో కలిసి బాలి వెకేషన్ లో ఉన్న సమంత.. తాజాగా పోస్ట్ చేసిన ఇన్ స్టా ఫొటోలు వైరల్ అవుతున్నాయి. అందులో భాగంగా.. మంకీ ఫారెస్ట్ ను సందర్శించింది. నేచర్, లొకేషన్స్ తో పాటు ఓ కోతితో సెల్ఫీ దిగి, వాటితో అల్లరి చేసిన ఫొటోలను షేర్ చేసింది. అవి చూసిన ఫ్యాన్స్ ఖుషీ అవుతున్నారు. ‘చాలా రోజుల తర్వాత సమంతను ఇంత హ్యాపీగా చూస్తున్నాం’, ‘ఆ కోతి ఎంత లక్కీ, సమంతతో సెల్ఫీ దిగే అదృష్టం దొరికింది’ అంటూ కాంమెంట్స్ చేస్తున్నారు.
