శ్రుతి హాసన్‌కు కీచకుడి వేధింపులు... వీడియో వైరల్

స్టార్ హీరోయన్ శ్రుతి హాసన్‌కు చేదు అనుభవం ఎదురైంది. ముంబై ఎయిర్ పోర్టులో ఓ కీచకుడు ఆమెపై వేధింపులకు పాల్పడ్డాడు. శ్రుతి అభ్యంతరం వ్యక్తం చేస్తున్నా పట్టువిడువకుండా వెంటాటాడు. అసిస్టెంట్, విమానాశ్రయ సిబ్బంది అడ్డుకుంటున్నా పట్టించుకోకుండా ఆమె దగ్గరగా వచ్చి వేధించాడు. అతని ధోరణితో శ్రుతి హడలిపోయింది. అతడు పట్టించుకోకుండా పార్కింగ్ ఏరియా వరకు ఆమె వెంటపడ్డాడు. ఏదో మాట్లాడబోతుండా నువ్వెవరో నాకు తెలియదని శ్రుతి చెప్పింది.

సోషల్ మీడియాలో ఈ వీడియో వైరల్ అవుతోంది. నల్ల చొక్కా, బ్లూ జీన్స్ వేసుకుని, కళ్లద్దాలు పెట్టుకున్న దుండగుడి వివరాలు ఇంకా తెలియడం లేదు. ఆమో క్లోజ్‌గా ఓ సెల్ఫీ కోసం అతడు ప్రయత్నించాడని, అయితే ప్రవర్తన భయపడేలా ఉందని సాక్షులు చెబుతున్నారు. సెలబ్రిటీల పరిస్థితే అలా ఉంటే సామాన్య మహిళల భద్రత ఏమిటని నెటిజన్లు ప్రశ్నిస్తున్నారు. శ్రుతి హాసన్ కెరీర్ ప్రస్తుతం జోరుగానే సాగుతోంది. ప్రభాస్‌తో కలిసి నటించిన ‘సలార్’ మూవీ త్వరలో విడుదల కానుంది. కొన్ని హిందీ సినిమాలకు కూడా సంతకం చేసింది.