సింగర్ సునీత కొడుకు టాలీవుడ్ హీరోగా ఎంట్రీ.. ఎమోషనల్ పోస్ట్..!

టాలీవుడ్ పాపులర్ సింగర్ సునీత కొడుకు ఆకాశ్‌.. టాలీవుడ్ లో హీరోగా ఎంట్రీ ఇస్తున్న విషయం తెలిసిందే. ఆకాశ్‌ నటించిన సర్కారు నౌకరి సినిమా ఫస్ట్ లుక్ ను మూవీ టీం శనివారం విడుదల చేసింది. ఈ సినిమాను గంగమనేని శేఖర్ డైరెక్ట్ చేస్తున్నాడు. కె. రాఘవేంద్రరావు నిర్మాతగా వ్యవహరిస్తున్నారు. ఈ నేపథ్యంలో ఆకాశ్ ను ఉద్దేశిస్తూ సునీత సోషల్ మీడియాలో ఓ ఎమోషనల్ పోస్ట్ పెట్టింది.

‘శుభాకాంక్షలు ఆకాశ్‌.. కొడుకు కల నెరవేరినందుకు తల్లిగా నేను చాలా సంతోష పడుతున్న. యాక్టర్ కావాలని నువ్వు పడ్డ శ్రమ, ప్రొఫెషన్ పట్ల నీకున్న నిబద్ధత, లైఫ్ లో నువ్వు చేసిన త్యాగాలు.. ఈ సినిమా పోస్టర్ కు అద్దం పడుతున్నాయి. సినిమాలపై నీకున్న పిచ్చిని ఈ లోకం త్వరలో చూడబోతోంది. నీకు లైఫ్ లో అంతా మంచే జరగాలని కోరుకుంటున్నా’ అని ట్వీట్ చేసింది.