‘స్లమ్‌డాగ్ హస్బెండ్’ను హిట్ చేసిన అందరికీ థ్యాంక్స్.. అప్పిరెడ్డి
సరికొత్త కథలో చిన్నబడ్జెట్‌తో రూపొంది, తెలుగు ప్రేక్షకుల హృదయాలను కొల్లగొట్టాడు ‘స్లమ్ డాగ్ హస్బెండ్’. శనివారం విడుదలైన ఈ నవసరభరిత చిత్రానికి ప్రేక్షకుల నుంచి మంచి స్పందన వస్తోంది. మంచి కథ ఎంచుకుని, ఫుల్ ఎంటర్‌టైన్ చేశారని అభినందన వర్షం కురుస్తోంది. ఈ సందర్భంగా మూవీ టీమ్ సక్సెస్ మీట్ ఏర్పాటు చేసింది. ఇలాంటి కొత్త కథా చిత్రాలను ప్రేక్షకులను తప్పకుండా ఆకట్టుకుంటాయన్న తమ నమ్మకం రుజువైందని నిర్మాత అన్నపరెడ్డి అప్పిరెడ్డి అన్నారు. స్లమ్‌డాగ్ హస్బెండ్‌ను ఆదరిస్తున్న ప్రేక్షకులందరికీ పేరుపేరునా ఆయన కృతజ్ఞతలు తెలిపారు.
‘‘మాస్ ఆడియన్లకు మా బొమ్మ బాగా నచ్చింది. బీసీ సెంటర్ల నుంచి మంచి స్పందన లభిస్తోంది. మీ ప్రోత్సాహంతో ఇలాంటి మరిన్ని చిత్రాలు తీస్తాం. కొత్త నటీనటులకు, దర్శకులకు అవకాశాలు కల్పిస్తాం. ఈ చిత్రానికి మంచి రేటింగ్స్ వచ్చాయి. చిన్నచిత్రం మూడు పాయింట్ల రేటింగ్ సాధించడం మాకు సంతోషంగా ఉంది. మ్యూజిక్, పాటలు విపరీతంగా ఆకట్టుకుంటున్నాయి. ప్రతిపాట బావుందని ప్రశంసిస్తున్నారు. ఇంత మంచి సంగీతాన్ని అందించినందుకు భీమ్స్ సిసిరోలియాకు ధన్యవాదాలు. డీవోపీ అద్భుతంగా కుదిరింది. ఈ మూవీ కోసం అందరూ కష్టపడి పడి చేశారు. ఈ వీకెండ్‌లో ఈ చిత్రాన్ని చూసి ఎంజాయ్ చేయండి’’ అని అన్నారు. మైక్ మూవీస్ బ్యానర్‌పై సంజయ్ రావు, ప్రణవి మానుకొండ హీరోహీరోయిన్లుగా తెరకెక్కిన ఈ చిత్రానికి ఎం. శ్రీధర్ దర్శకత్వం వహించారు. జాతక దోషం పోవడానికి హీరో ఓ కుక్కను పెళ్లాడి, తర్వాత విడాకుల కోసం తిప్పలు పడే కథను ఇందులో వినోదభరితంగా చూపారు.
