జూలై 21న ముహూర్తం ఫిక్స్..స్లమ్ డాగ్ హస్బెండ్ థియేటర్లలో రిలీజ్
రొటీన్ ఫార్ములాకు భిన్నంగా వెరైటీ కాన్సెప్టుతో వస్తున్న సినిమా 'స్లమ్ డాగ్ హస్బెండ్' . ఈ మధ్యనే విడుదలైన మూవీ ఫస్ట్‌లుక్‌, టీజర్‌, ట్రైలర్లకు ప్రేక్షకుల నుంచి మంచి రెస్పాన్స్ వస్తోంది. తాజాగా చిత్ర యూనిట్ సినిమా రిలీజ్ డేట్ను వెరైటీగా అనౌన్స్ చేశారు. 21 జూలై 2023న థియేటర్లలో సినిమా విడుదల కానుంది. మూవీ రిలీజ్ డేట్తో కూడిన వెరైటీ పోస్టర్ను షేర్ చేసి సినీ లవర్స్ను ఆకట్టుకుంటున్నారు. సినిమాపై ఆసక్తిని పెంచుతున్నారు. ఏఆర్.శ్రీధర్ డైరెక్షన్లో పిట్ట కథ ఫేమ్ సంజయ్ రావు, ప్రణవి మానుకొండ జంటగా నటించిన ఈ చిత్రం త్వరలో స్క్రీన్స్ మీద సందడి చేయనుంది.
మైక్ మూవీస్ బ్యానర్‌పై అప్పిరెడ్డి, వెంకట్ అన్నపరెడ్డి నిర్మించిన ఈ చిత్రంలో బ్రహ్మాజీ, సునీల్, సప్తగిరి, అలీ, యాదమ్మరాజు తదితరులు నటించారు. డీఓపీ శ్రీనివాస్ రెడ్డి, సంగీతం భీమ్స్ సిసిరోలియో సమకూర్చారు. ఫుల్లెన్త్ కామెడీ ఎంటర్‌టైనర్‌గా ఈ సినిమా ఉండబోతోంది. సినీ ప్రేమికులు స్లమ్ డాగ్ హస్బెండ్'ను థియేటర్లలో చూసేందుకు ఆసక్తిగా ఎదురుచూస్తున్నారు. మైక్ మూవీస్ బ్యానర్‌పై బిగ్ బాస్ ఫేమ్ సోహెల్ హీరోగా రూపొందిన ‘మిస్టర్ ప్రెగ్నెంట్’తోపాటు ‘మట్టికథ’ అనే మరో మూవీ త్వరలో విడుదల కానున్నాయి. మైక్ మూవీస్ పతాకంపై వచ్చిన ‘జార్జిరెడ్డి’, ‘ప్రెజర్ కుకర్’ చిత్రాలకు ప్రేక్షకుల నుంచి మంచి రెస్పాన్స్ వచ్చింది.
