మెరిసిపోతున్న మలయాళీ అందం..ఆమె పాట ఎంతో మధురం
అతి తక్కువ సమయంలోనే నటిగా టాలీవుడ్ ఇండస్ట్రీలో మంచి క్రేజ్ సంపాదించుకుంది మలయాళీ ముద్దుగుమ్మ అనుపమ పరమేశ్వరన్. మలయాళ ప్రేమమ్ సినిమాతో సినీ ఇండస్ట్రీలోకి ఎంట్రీ ఇచ్చిన ఈ చిన్నది 'అ..ఆ' సినిమాతో తెలుగు తెరకు పరిచయం అయ్యింది. అలా తన కెరీర్లో మంచి మంచి కథలను ఎన్నుకుంటూ నటిగా తనను తాను ప్రూవ్ చేసింది ఈ చిన్నది. ఈ మధ్యనే విడుదలైన కార్తికేయ2 సినిమాతో అమ్మడి క్రేజ్ అమాంతం పెరిగింది. ఆ తరువాత అనుపమ నటించిన 18 పేజెస్, బటర్ఫ్లై సినిమాలకు కూడా సినీ ప్రియులను ఆకట్టుకున్నాయి. లేటెస్టుగా అనుపమ సితార ఎంటర్టైన్‌మెంట్స్ బ్యానర్పై సూర్యదేవర నాగవంశీ నిర్మిస్తున్న డీజే టిల్లు సీక్వెల్ లో నటిస్తోంది. ఈ మూవీలో కాస్త డిఫరెంట్ గా కనిపించబోతోంది ఈ చిన్నది. దీనితో పాటే అను రవితేజ ఈగల్లోనూ నటిస్తోంది.
ఓ వైపు సినిమాలతో ప్రేక్షకులను అలరించడమే కాదు సోషల్ మీడియాలోనూ అనుపమ చాలా యాక్టివ్గా ఉంటుంది. ఈమెకు సోషల్ మీడియాలో విపరీతమైన ఫాలోయింగ్ ఉంది. ఏ పోస్ట్ పెట్టినా వైరల్ అవ్వాల్సిందే. మరీ ముఖ్యంగా అనుపమ ఫన్నీ వీడియోలను బాగా షేర్ చేస్తుంటుంది. ఎప్పటికప్పుడు తన లేటెస్ట్ ఫోటోలను, వీడియోలను, పర్సనల్ విషయాలను నెట్టింట్లో షేర్ చేస్తుంటుంది. తన ఫాలోవర్స్ను ఖుషీ చేస్తుంటుంది. తాజాగా అనుపమ తన ఇన్స్టాగ్రామ్ అకౌంట్లో ఓ వీడియోను , ఓనమ్ స్పెషల్ ఫోటోలను షేర్ చేసింది. ఈ ఫోటోలు, వీడియో కాస్త నెట్టింట్లో ఓ రేంజ్లో దూసుకెళ్తోంది. ఈ వీడియోలో అనుపమ మలయాళంలో ఎంతో మధురంగా ఓ పాట పాడింది. ఓనమ్ స్పెషల్ అంటూ తనలోని టాలెంట్ను నెటిజన్స్కు చూపించింది.
