Allu Arjun statue :ఐకానిక్ స్టార్కు మరో ప్రత్యేకమైన గౌరవం
ఐకానిక్ స్టార్ అల్లు అర్జున్ తగ్గేదేలే అన్నట్లుగా జాతీయ, అంతర్జాతీయ స్థాయిలో దూసుకెళ్తున్నాడు. ఈ మధ్యనే బెస్ట్ యాక్టర్గా జాతీయ అవార్డును సొంతం చేసుకున్న బన్నీకి మరో అరుదైన గౌరవం లభించనుంది. స్టార్స్ ఎంతో ప్రతిష్ఠాత్మకంగా భావించే లండన్‌లోని మేడమ్‌ టుస్సాడ్స్‌ మ్యూజియంలో అల్లు అర్జున్ మైనపు విగ్రహం ఏర్పాటు చేస్తున్నట్లు టాక్ వినిపిస్తోంది. ఈ వార్తతో బన్నీ ఫ్యాన్స్ పండుగ చేసుకుంటున్నారు. ఈ న్యూస్ను వైరల్ చేస్తూ సోషల్ మీడియాలో రచ్చ రచ్చ చేస్తున్నారు. మైనపు విగ్రహం ఏర్పాటుకు సంబంధించి తన కొలతలు ఇవ్వడానికి బన్నీ లండన్‌ వెళ్లనున్నట్లు ఇండస్ట్రీలో టాక్ వినిపిస్తోంది. ఇప్పటికే టాలీవుడ్ టాప్ మోస్ట్ స్టార్స్ డార్లింగ్ ప్రభాస్, సూపర్ స్టార్ మహేశ్ బాబుల మైనపు విగ్రహాలు మేడమ్‌ టుస్సాడ్స్‌లో కొలువుదీరాయి. ఇప్పుడు ఈ వార్త నిజమైతే ఈ ఘనత సాధించిన మరో సౌత్ స్టార్గా అల్లు అర్జున్ నిలుస్తాడు.
సుకుమార్ డైరెక్షన్లో అల్లు అర్జున్ నటించిన ‘పుష్ప: ది రైజ్‌’ సినిమా సెన్సేషనల్ హట్ను సాధించింది. కనెక్షన్ల సునామీని సృష్టించింది. ఈ మూవీతో దేశవ్యాప్తంగానే కాదు ప్రపంచవ్యాప్తంగా బన్నీకి ఫ్యాన్‌ ఫాలోయింగ్‌ పెరిగిపోయింది. పుష్ప సినిమాలో మాస్లుక్లో బన్నీ కనిపించి మ్యాజిక్ చేశాడు. ప్రస్తుతం ఈ మూవీకి సీక్వెల్‌గా ‘పుష్ప2: ది రూల్‌’ సినిమాను తీర్చిదిద్దుతున్నాడు డైరెక్టర్ సుకుమార్. లేటెస్టుగా ఓర్మాక్స్‌ మీడియా బాలీవుడ్ సినీ లవర్స్ ఆసక్తిగా ఎదురుచూస్తున్న మూవీస్ గురించి సర్వే చేసింది. అందులో బన్నీ మూవీ ‘పుష్ప2’ టాప్లో నిలిచింది. దీంతో ఈ సీక్వెల్ కోసం ప్రేక్షకులు ఎంత ఆసక్తిగా ఎదురుచూస్తున్నారో అర్థమవుతోంది.ఈ సర్వేలో పుష్ప2’ తర్వాత సల్మాన్‌ నటించిన ‘టైగర్‌3’ మూడో స్థానంలో ఉంది. బాలీవుడ్ కింగ్ ఖాన్ షారుక్‌ ‘డుంకీ’ ఐదో స్థానంలో ఉంది.
