మోత మోగించిన విశ్వక్ సేన్..‘గ్యాంగ్స్ ఆఫ్ గోదావరి’ సాంగ్ రిలీజ్

'గామి' సినిమాతో సూపర్ హిట్ కొట్టిన విశ్వక్ సేన్ మరో మూవీతో ఆడియన్స్‌ను ఉర్రూతలూగించడానికి వచ్చేస్తున్నాడు. త్వరలోనే విశ్వక్ సేన్ గ్యాంగ్స్ ఆఫ్ గోదావరి మూవీ విడుదల కానుంది. కృష్ణచైతన్య దర్శకత్వంలో తెరకెక్కుతోన్న ఈ మూవీలో నేహాశెట్టి, అంజలి హీరోయిన్లుగా నటిస్తున్నారు. సితార ఎంటర్టైన్మెంట్స్ నిర్మాణంలో గ్యాంగ్స్ ఆఫ్ గోదావరి మూవీ రూపొందుతోంది. మే 17న ఈ మూవీ గ్రాండ్‌గా థియేటర్లలో రిలీజ్ కానుంది. ఇది వరకే ఈ మూవీ నుంచి ఓ సాంగ్, టీజర్‌ను మేకర్స్ రిలీజ్ చేశారు.

గోదావరి జిల్లాల్లో పీరియాడిక్‌గా పొలిటికల్ స్టోరీతో ఈ మూవీ రానుంది. తాజాగా ఈ మూవీ నుంచి 'మోత మోగిపోద్ది' అనే సాంగ్‌ రిలీజ్ అయ్యింది. మాస్ ఐటెం సాంగ్ అదిరిపోయింది. సాంగ్‌లో అయేషా ఖాన్ స్టెప్పులు అదిరిపోయాయి. విశ్వక్ సేన్ మాస్ లుక్‌లో వేసిన డ్యాన్స్ హైలెట్ అని చెప్పాలి. చంద్రబోస్ రాసిన ఈ సాంగ్ అందర్నీ ఆకట్టుకుంటోంది. ఈ మూవీకి యువన్ శంకర్ రాజా సంగీతం అందిస్తున్నారు.

సింగర్ మానసి పాడిన ఈ పాట కర్రాళ్లతో చిందులేయిస్తోంది. ఓం భీమ్ బుష్ మూవీలో ప్రియదర్శి సరసన నటించిన అయేషాఖాన్ ఆ మూవీతో బాగా పాపులర్ అయ్యింది. తన అందాలతో కుర్రాళ్ల మనసును దోచేసిన ఈ బ్యూటీ గ్యాంగ్స్ ఆఫ్ గోదావరి మూవీలో చేసిన స్పెషల్ సాంగ్ ఓ రేంజ్ వ్యూస్‌తో దూసుకుపోతోంది. మరి మీరూ చూసేయండి.