గుంటూరు కారంలో శ్రీలీల అందాల ఘాటు

టాలీవుడ్‌లో ఈ మధ్య బాగా వినిపిస్తున్న పేరు శ్రీలీల. అందంతో పాటు నటనతో యూత్, ఫ్యామిలీ ఆడియెన్స్ ను ఆకట్టుకుంటోంది. ధమాకాతో తిరుగులేని క్రేజ్‌ సంపాదించుకున్న ఈ ముద్దుగుమ్మ చేతిలో ప్రస్తుతం అరడజనుకుపైగా సినిమాలున్నాయి. వాటిలో మహేష్ బాబు హీరోగా నటిస్తున్న గుంటూరు కారం ఒకటి. మాటల మాంత్రికుడు త్రివిక్రమ్ దర్శకత్వం వహిస్తున్న ఈ మూవీ షూటింగ్ శరవేగంగా జరుగుతోంది.

బుధవారం శ్రీలీల బర్త్ డే సందర్భంగా గుంటూరు మిర్చి మూవీ నుంచి ఆమె ఫస్ట లుక్ పోస్టర్ రిలీజ్ చేశారు. అందులో అదిరిపోయే లుక్ తో శ్రీలీల ఆకట్టుకుంటోంది. అచ్చు పల్లెటూరి అమ్మాయిలా లంగాఓణీలో శ్రీలీల తెగ ఆకట్టుకుంటోంది. కాళ్లకు నెయిల్ పాలిష్ పెట్టుకుంటూ కొంటె చూపులతో కుర్రాళ్ల మతి పోగొడుతోంది.

ప్రస్తుతం శ్రీలీల.. నవీన్‌ పొలిశెట్టితో ‘అనగనగా ఒక రాజు’, బోయపాటి-రామ్‌ పోతినేని మూవీ, బాలయ్య భగవంత్ కేసరి సినిమాలతో పాటు గాలి జనార్ధన్ రెడ్డి కొడుకు కీరిటీ తొలి మూవీలోనూ హీరోయిన్‌గా నటిస్తుంది. మొత్తమ్మీద శ్రీలీల ప్రస్తుతం సైన్ చేసిన మూవీలతో మరి కొన్నాళ్లు బిజీగా ఉండనుంది.