Pawan Kalyan OG : ఓజి స్టోరీ లీక్.. ఈ మూడే హైలైట్!

బ్రో సినిమాతో ఫ్యాన్స్ ను అలరించిన పవర్ స్టార్ పవన్ కళ్యాణ్ ఓజీ సినిమాతో మరో హిట్ కొట్టేందుకు రెడీ అవుతున్నాడు. సుజిత్ దర్శకత్వంలో రూపొందుతున్న ఈ సినిమా కమర్షియల్ ఎంటర్టైనర్ రాబోతుంది. ఈ సినిమాలో పవన్ గ్యాంగ్ స్టార్ పాత్రలో కనిపించబోతున్నాడు. ఇప్పటికే ఈ మూవీ షూటింగ్ చాలా వరకు పూర్తయింది. ఇటీవల పవన్ బర్త్ డే సందర్భంగా మూవీ మేకర్స్.. ఈ సినిమా టీజర్ ని విడుదల చేశారు. టీజర్, పోస్టర్స్ తో అభిమానుల్లో పూనకాలు మొదలయ్యాయి. ఇక పవన్ కళ్యాణ్ కి ఇష్టమైన జానర్ లో ఈ సినిమా తెరకెక్కుతుండటంతో ఆడియెన్స్ లో అంచనాలు పెరిగాయి.

ఓజీ టీజర్ ద్వారా పవన్ ఫ్యాన్స్ ఏం కోరుకుంటారో ఆ అంశాలను సుజీత్ చూపించారు. పవన్ స్వాగ్ కు తోడు.. థమన్ బీజేఎం, విజువల్స్ తోడు కావడంతో ఈ గ్లింప్స్ అభిమానులకు ఫుల్ కిక్ ఇచ్చింది. సాధారణ ప్రేక్షకులకు కూడా గూస్‌ బంప్స్‌ తెప్పించింది. తాజాగా ఈ సినిమా నుంచి మరో అప్ డేట్ బయటకొచ్చింది. అదే ఈ సినిమా కథ అని వైరల్ అవుతుంది. ముంబైని చూడటానికి వచ్చిన ఓ వ్యక్తి.. గ్యాంగ్ స్టర్‌గా మారి, మాఫియాలోకి వెళ్తాడు. ఆ ప్రయాణంలోనే అతని ఫ్యామిలీని కోల్పోతాడు. ఆ తరువాత వారి మీద ఎలా పగ తీర్చుకున్నాడు? డ్రగ్స్ మాఫియాను ఎలా అంతం చేస్తాడు? అనేది కథ అని సోషల్ మీడియాలో ప్రచారం జరుగుతుంది.

గతంలో పవన్ నటించిన కొన్ని సినిమాల కథ మాఫియా చుట్టూ తిరుగుతాయి. వాటిలోను పవన్ స్టైలీష్‌గా కనిపించాడు. ఈ సినిమా ద్వారా సుజిత్.. పవన్ ను సరికొత్తగా చూపించే ప్రయత్నం చేస్తున్నాడు. ఇక ఈ చిత్రాన్ని డీవీవీ ఎంటర్టైన్మెంట్స్ ప్రతిష్టాత్మకంగా నిర్మిస్తుంది. ఇంత వరకు ఏ ప్రొడక్షన్ హౌజ్ కూడా చేయనంత హై ప్రమోషన్స్ చేస్తోంది. అభిమానులతో నిరంతరం టచ్‌లో ఉంటోంది. ఓజీకి సంబంధించిన అప్డేట్లు వరుసగా ఇస్తూ హైప్ తగ్గకుండా చూస్తుంది. ఈ సినిమాలో ప్రియాంక అరుళ్ మోహనన్ హీరోయిన్‌గా నటిస్తున్నది.