జైలర్ రిలీజ్ రోజే రజనీకాంత్ షాకింగ్ నిర్ణయం
సూపర్‌స్టార్‌ రజనీకాంత్ నాలుగేళ్ల తరువాత హిమాలయ టూర్కు స్టార్ట్ అయ్యారు. నెల్సన్‌ డైరెక్షన్లో రజనీకాంత్ కథానాయకుడిగా నటించిన ‘జైలర్’ సినిమా ఇవాళ విడుదల అయ్యింది. సీనియర్ నటులు మోహన్‌లాల్‌, జాకీష్రాఫ్‌, శివరాజ్‌కుమార్‌, రమ్యకృష్ణ తదితరులు ఈ మూవీలో కీలక పాత్రలను పోషించారు. సాధారణంగా తన మూవీ రిలీజ్ అయ్యే సమయంలో హిమాలయాలకు వెళ్లడం రజనీకాంత్కు పరిపాటి. అదే అలవాటును ఇప్పటికీ కొనసాగిస్తున్నారు సూపర్ స్టార్. అందుకే జైలర్ సినిమా రిలీజ్ ఉండటంతో ఆయన హిమాలయాలకు పయనమయ్యారు. రజనీకాంత్ ఈ ఏజ్లోనూ ఎంతో ఉత్సాహంగా హిమాలయాలకు వెళుతుండటంతో ఫ్యాన్స్ ఆయన ఫిట్నెస్కు ఫిదా అవుతున్నారు.
రజనీకాంత్కు ఆధ్యాత్మిక భావాలు చాలా ఎక్కువ. ఆ విషయం ఆయన మాటల్లో స్పష్టంగా కనిపిస్తుంది అని అనడంలో ఎలాంటి సందేహం లేదు. ఆయన మాట్లాడే ప్రతి మాటలో తాత్వికత కనిపిస్తుంటుంది. ఆ ఆధ్యాత్మిక చింతనతోనే మానసిక ప్రశాంతత కోసం ఆయన ప్రతీ సంవత్సరం హిమాలయాలకు వెళ్తుంటారు. అక్కడి నిర్మలమైన, ఆహ్లాదకరమైన, సుందరమైన ప్రకృతిలో కొన్ని రోజులు ఏకాంతంగా గడుపుతారు. అయితే కరోనా కారణంగా గత నాలుగేళ్లుగా ఆయన హిమాలయాలకు వెళ్లడం లేదు. ఈ నేపథ్యంలో జైలర్ రిలీజ్ సమయంలో ఆయన హిమాలయా యాత్రకు పయనమయ్యారు. సుమారు ఓ వారం రోజులు ఆయన హిమాలయాల్లోనే గడపనున్నారని తెలుస్తోంది.
