కొనసాగుతున్న టీఎఫ్సీసీ ఓటింగ్.. 6 గంటలకు రిజల్ట్స్
తెలుగు ఫిల్మ్ ఛాంబర్ ఆఫ్ కామర్స్ ఎన్నికల పోలింగ్‌ ప్రారంభమైంది. హైదరాబాద్‌లోని ఫిల్మ్ ఛాంబర్‌లో మధ్యాహ్నం 3 గంటల వరకు ఓటింగ్ జరుగనుంది. సాయంత్రం 4 గంటలకు ఓట్ల లెక్కింపు ప్రారంభంకానుంది. ఫిల్మ్ ఛాంబర్ ఆఫ్ కామర్స్ లో ప్రొడ్యూసర్ సెక్టార్, డిస్ట్రిబ్యూషన్ సెక్టార్, స్టూడియో సెక్టార్, ఎగ్జిక్యూటివ్ సెక్టార్ల నుంచి 1600 మంది సభ్యులు ఓటుహక్కు వినియోగించుకోనున్నారు. అధ్యక్ష బరిలో స్టార్ ప్రొడ్యూసర్ దిల్ రాజు ప్యానెల్ వర్సెస్ సి కళ్యాణ్ ప్యానల్ పోటీ పడుతున్నారు. వీరిలో అదృష్టం ఎవరిని వరిస్తుందన్నది సాయంత్రం 6 గంటలకు తేలనుంది.
ఫిల్మ్ ఛాంబర్ ఆఫ్ కామర్స్‌లోని మొత్తం 1600 మంది సభ్యుల్లో 900 మంది మాత్రమే ఓటు వేయనున్నట్లు తెలుస్తోంది. ఉదయం 9 గంటల వరకు 104 ఓట్లు పోలయ్యాయి. నటుడు పోసాని కృష్ణ మురళి, నిర్మాత సుప్రియ, దర్శక నిర్మాత గుణశేఖర్‌ తదితరులు తమ ఓటు వేశారు.
