డీజే టిల్లును మించిన కామెడీ.. హైప్ పెంచుతున్న ప్రోమో

గతేడాది చిన్న సినిమాగా రిలీజ్ అయి.. బాక్సాఫీస్ వద్ద బ్లాక్ బస్టర్ టాక్ సంపాదించుకున్న సినిమా డీజే టిల్లు. రోమాంటిక్ క్రైమ్ కామెడీ థ్రిల్లర్ వచ్చిన ఈ సినిమాలో సిద్ధు జొన్నల గడ్డ, నేహా శెట్టి ప్రధాన పాత్రలో నటించారు. ఇప్పుడు దానికి సీక్వెల్ గా ‘టిల్లు స్వ్కేర్’ రామ్ మల్లిక్ డైరెక్షన్ లో రూపొందుతుంది. ఈ సినిమాలో సిద్దు సరసన అనుమప పరమేశ్వరన్ నటిస్తోంది. చాలాకాలంగా ఈ సినిమా రిలీజ్ పై వార్తలు వస్తూనే ఉన్నా.. మూవీ టీం మాత్రం ఎలాంటి క్లారిటీ ఇవ్వలేదు. ఇప్పటికే సినిమా నుంచి రిలీజ్ అయిన గ్లింప్స్, పోస్టర్స్ కు ఆడియన్స్ ఫిదా అయిపోయారు. ఈ క్రమంలో మరో ప్రోమోను విడుదల చేసేందుకు చిత్ర బృదం రెడీ అయింది. టిల్లు స్వ్కేర్ నుంచి ‘టికెట్ కొనకుండా..’ అంటూ సాగే పాటను ఈ నెల 26న విడుదల చేస్తున్నట్లు ప్రకటించారు. దానికి సంబంధించిన ప్రోమోను కూడా విడుదల చేశారు. ఈ క్రమంలో విడుదల చేసిన ప్రోమో నవ్వులు పూయిస్తోంది. ‘బాయ్ ఫ్రెండ్ ఉన్నాడంటే నా షూ నేను వేసుకుని పోతా.. లేడంటే.. నిన్నేసుకుని పోతా’ అంటూ సాగిన ప్రోమో.. మొదటి పార్ట్ ను మించి ఉంటుందని అర్థం అవుతుంది. కాగా, ఈ సినిమాకు సిద్దునే కథ అందించడం గమనార్హం.