పవర్ స్టార్ హిట్ సినిమా టైటిల్తో నితిన్ కొత్త సినిమా
నితిన్ కథానాయకుడిగా ఈ రోజు కొత్త సినిమా ప్రారంభం అయ్యింది. . 'వకీల్ సాబ్' ఫేమ్ దర్శకుడు వేణు శ్రీరామ్‌తో ఈ చిత్రం చేయబోతున్నారు. శ్రీ వెంకటేశ్వర క్రియేషన్స్ పతాకంపై ప్రముఖ నిర్మాత 'దిల్' రాజు నిర్మించనున్న చిత్రమిది. ఆ సంస్థలో 56వ చిత్రమిది. దీనికి 'తమ్ముడు' టైటిల్ ఖరారు చేశారు. ఈ మూవీ పూజా కార్యక్రమాలతో హైదరాబాద్‌లో లాంఛనంగా ప్రారంభమైంది. ఈ ఈవెంట్కు మూవీటీమ్తో పాటు దర్శకులు వంశీ పైడిపల్లి, అనిల్ రావిపూడి సహా మరి కొందరు హాజరయ్యారు
కాగా ఈ సినిమాకు పవర్ స్టార్ పవన్ కల్యాణ్ సూపర్ హిట్ మూవీ 'తమ్ముడు' టైటిల్‌ను ఫిక్స్ చేశారు. ఈ విషయాన్ని హీరో నితిన్ సోషల్ మీడియా వేదికగా తెలిపారు.. 'కొన్ని టైటిల్స్ ఎంతో బాధ్యతను పెంచేలా వస్తాయి. ఈ సినిమా మీ అంచనాలను మించేలా ఉంటుంది. నా కొత్త సినిమా వేణు శ్రీరామ్, దిల్ రాజు గారితోనే' అంటూ రాసుకొచ్చారు. కాగా, పవన్ కల్యాణ్కు నితిన్ వీరాభిమాని అన్న సంగతి తెలిసిందే. కాబట్టి ఇప్పుడు పవన్ టైటిల్ 'తమ్ముడు'తోనే వస్తుండడం వల్ల సినిమాపై అప్పుడే అంచనాలు మొదలైపోయాయి. ప్రస్తుతం ఈ మూవీ ప్రీ ప్రొడక్షన్ వర్క్ జరుగుతున్నాయని తెలిసింది. త్వరలోనే అన్నీ పూర్తి చేసుకుని రెగ్యూలర్ షూటింగ్ ప్రారంభిస్తారని సమాచారం అందింది. త్వరలోనే సినిమాలో నటించే నటీనటులు, ఇతర టెక్నీషియన్ల వివరాలను తెలియజేయనున్నారు.
'తమ్ముడు' టైటిల్ మాత్రమే కాదు, ఈ సినిమా దర్శకుడు వేణు శ్రీరామ్ కూడా పవన్ కళ్యాణ్ అభిమానే. 'వకీల్ సాబ్' తర్వాత వేణు శ్రీరామ్ చేస్తున్న చిత్రమిది. ఇక పవన్ టైటిల్ తో సినిమా తీస్తుండటంతో నితిన్ ఫ్యాన్స్ తో పాటు పవన్ అభిమానులు కూడా ఈ సినిమాపై ఆసక్తి చూపిస్తున్నారు.
Some titles come with a lot of responsibility attached.
We will deliver beyond your expectations.
— nithiin (@actor_nithiin) August 27, 2023
My next with Sriram Venu and dil raju garu @SVC_Official is #THAMMUDU pic.twitter.com/cfUkKcGBYS
