విజయ్ దేవరకొండ వింత డ్రెస్..రేటు వింటే మైండ్ బ్లాక్

టాలీవుడ్ యంగ్ హీరో విజయ్ దేవరకొండ ఖుషీ సినిమాతో తెరమీద సందడి చేసేందుకు రెడీ అవుతున్నాడు. ఈ సినిమా రిలీజ్ కోసం ఫ్యాన్స్ ఎంతో ఈగర్‎గా ఎదురుచూస్తున్నారు. లైగర్ ఫ్లాప్ తరువాత వస్తున్న సినిమా కావడంతో ఖుషీ హిట్ కావాలంటూ రౌడీ బాయ్ ఫ్యాన్స్ ఆశపడుతున్నారు. సెప్టెంబర్ 1న సినిమా విడుదల కాబోతుండటంతో మేకర్స్ ప్రమోషన్స్‎ను వీర లెవెల్‎లో చేస్తున్నారు. ఇప్పటికే విడుదలైన ట్రైలర్, సాంగ్స్ ప్రేక్షకులకు బాగా కనెక్ట్ అయ్యాయి. తాజాగా నిర్వహించిన ఖుషీ మ్యూజిక్ కన్సర్ట్ కూడా సూపర్ హిట్ అయ్యింది. ఈ కన్సర్ట్‎లో విజయ్ , సామ్‎లు కలిసి స్పెషల్ పెర్ఫార్మెన్స్ ఇచ్చారు. వీరి కెమిస్ట్రీ ఆడియన్స్‎ను అమితంగా ఆకట్టుకుంది. ఇదిలా ఉంటే ఈ కన్సర్ట్ కోసం విజయ్ వేసుకున్న డ్రెస్ ఇప్పుడు హాట్ టాపిక్‎గా మారింది.

ఎప్పుడూ ఏదో ఒక విషయంలో సోషల్ మీడియాలో వైరల్ కంటెంట్‎గా నిలుస్తుంటాడు విజయ్ దేవరకొండ. కావాలని చేస్తాడో లేదా అలా జరుగుతుందో తెలీదు కానీ మీమర్స్‌కి విజయ్ మంచి స్టఫ్‌గా మారుతుంటాడు. తాజాగా జరిగిన ఖుషీ మ్యూజిక్ కన్సర్ట్‎లో విజయ్ వైట్ అండ్ వైట్ లో మెరిసిపోయాడు. సామ్‏తో కలిసి స్టెప్పులేసి అందరి చూపును తనవైపు తిప్పుకున్నాడు. అయితే ఈ పెర్ఫార్మెన్స్‎ను పక్కనపెడితే..విజయ్ ధరించిన ఔట్‌ఫిట్ ఇప్పుడు నెట్టింట్లో హాట్ టాపిక్‎గా మారింది. లేటెస్ట్ ఫ్యాషన్స్‎ను ఫాలో అవుతూ స్టైలిష్ ఔట్‌ఫిట్స్ ధరిస్తూ ఎప్పుడూ ట్రెండ్ సెట్ చేసే విజయ్ ఈ కన్సర్ట్ కోసం వైట్ కలర్ కోట్, పలోజా మోడల్ ప్యాంట్ వేసుకుని కాస్త డిఫరెంట్‎గా కనిపించాడు. దీంతో నెటిజన్స్ విజయ్‎ని ఫన్నీగా ట్రోల్ చేస్తున్నారు. అయితే ఈ డిజైనర్ ఔట్‌ఫిట్ ధర వింటే మాత్రం అంతా అవాక్కవ్వాల్సిందే. దీని ధర ఏకంగా రూ.2 లక్షలు వరకు ఉంటుందని టాక్ వినిపిస్తోంది. అయితే ఈ విషయమై క్లారిటీ రావాల్సి ఉంది.