అలాంటిది ఏమైనా ఉంటే నేనే చెప్తా..విడాకులపై స్వాతి క్లారిటీ
సోషల్ మీడియా స్టార్స్ పర్సనల్ లైఫ్ను ప్రొజెక్ట్ చేస్తుందనడంలో ఎలాంటి సందేహం లేదు. అభిమానులు వారికి సంబంధించిన విషయాలను ఈ మీడియం ద్వారానే తెలుసుకుంటున్నారు. గతంలో హీరో హీరోయిన్ ఎవరైనా సరే విడాకులు తీసుకుంటే అంతా పూర్తైన తరువాత తెలిసేది. కానీ ఇప్పుడు అలా కాదు. ఇన్స్టాలో పిక్స్ డిలీట్ చేసినా , ట్విటర్లో అన్ఫాలో అయినా చాలు నెటిజన్స్ వారి డివోర్స్ను కన్ఫర్మ్ చేసేస్తున్నారు. తాజాగా టాలీవుడ్ నటి కలర్స్ స్వాతిని కూడా ఇలాంటి రూమరే వెంటాడుతోంది. ఆమె రీసెంట్గా తన ఇన్స్టాగ్రామ్లో ఫొటోలు తొలగించేసరికి ఆమె కూడా డివోర్స్కు రెడీ అయ్యిందనే న్యూస్ వైరల్ అవుతోంది. గత కొంత స్వాతి డివోర్స్ టాపిక్ నెట్టింట్లో హాట్ టాపిక్గా మారింది. ఈ అంశంపైన స్వాతి తాజాగా క్లారిటీ ఇచ్చింది.
తమిళ సినిమా సుబ్రహ్మణ్యపురం సినిమాతో వెండితెరకు పరిచయం అయ్యింది తెలుగమ్మాయి స్వాతి. ఆ తరువాత నానితో 'అష్టాచమ్మా' సినిమా చేసి తెలుగులోనూ హీరోయిన్గా మంచి గుర్తింపు పొందింది. ఆ తర్వాత చాలా సినిమాలు చేసినా ..నిఖిల్ తో స్వాతి చేసిన 'స్వామిరారా', 'కార్తికేయ' సినిమాలు మాత్రమే బ్లాక్ బస్టర్ హిట్ అయ్యాయి. స్వాతి హీరోయిన్గా ఫామ్‌లో ఉండగానే వికాస్ అనే వ్యక్తిని వివాహం చేసుకుంది. ఆ తరువాత సినిమాలకు బై బై చెప్పేసి విదేశాలకు వెళ్లిపోయింది.
పెళ్లి తరువాత స్వాతి గతేడాది 'పంచతంత్రం' అనే సినిమాతో ఇండస్ట్రీలోకి రీఎంట్రీ ఇచ్చింది. ప్రస్తుతం 'మంత్ ఆఫ్ మధు' మూవీతో పాటు 'సత్య' అనే షార్ట్ ఫిల్మ్ చేస్తోంది. ఈ విషయం పక్కనబెడితే విడాకుల రూమర్స్ నిజమేనా కాదా అని స్వాతిని అడగ్గా 'చెప్పడానికి ఏం లేదని చెప్పుకొచ్చిందట స్వాతి. ఇజానికి అలాంటిది ఏమైనా ఉంటే తానే చెప్తానని క్లారిటీ ఇచ్చినట్లు సమాచారం. 2020లోనూ స్వాతి తన ఇన్స్టాలో పిక్స్ను డిలీట్ చేసినప్పుడు ఇలాంటి రూమర్సే వచ్చాయి. ఆ సమయంలో రియాక్ట్ అయిన స్వాతి ఆ ఫోటోలను తాను ఆర్కైవ్‌లో సేవ్ చేసినట్లు చెప్పుకొచ్చింది.
