గ్రాండ్గా శర్వానంద్ రిసెప్షన్.. రచ్చ చేసిన దిల్ రాజు జంట

టాలీవుడ్ మోస్ట్ ఎలిజిబుల్ బ్యాచిలర్ శర్వానంద్.. తాజాగా వివాహ బంధంలోకి అడుగుపెట్టిన విషయం తెలిసిందే. ఈ నెల 3న రక్షితా రెడ్డి మెడలో మూడు ముళ్లు వేసిన శర్వానంద్.. నిన్న (జూన్ 9) హైదరాబాద్ లోని ఎన్ కన్వెన్షన్ లో గ్రాండ్ గా రిసెప్షన్ జరుపుకున్నాడు. ఈ వేడుకకు ఇరు కుటుంబ సభ్యులతో పాటు, సన్నిహితులు, స్నేహితులు, ప్రముఖులు హాజరయ్యారు. శర్వానంద్ ప్రగతి భవన్ కు వెళ్లి ఆహ్వానించగా.. అందుకు కేటీఆర్ రిసెప్షన్ కు హాజరయ్యారు.

సినీ ప్రముఖుల్లో లవ్ బర్డ్స్ దిల్ రాజు దంపతులు సందడి చేశారు. రామ్ చరణ్ ఉపాసన సెంటర్ ఆఫ్ అట్రాక్షన్ గా నిలిచారు. రామ్ చరణ్.. ఉపాసన చేయి పట్టుకొని నడిపించిన తీరు అందరినీ ఆకట్టుకుంటుంది. సినీ తారల్లో.. వెంకటేష్, బాలకృష్ణ, నారాయణ మూర్తి, విశ్వక్ సేన్, అల్లరి నరేష్, దర్శకులు క్రిష్, సుజీత్, రాధా కృష్ణ సహా పలువురు టాలీవుడ్ సెలబ్రెటీలు ఈ వేడుకకు హాజరై సందడి చేశారు.