కళ్యాణ్ రామ్ హీరోయిన్కు పండంటి మగ బిడ్డ..పోస్ట్ వైరల్
టాలీవుడ్ హీరో కల్యాణ్ రామ్ నటించిన కత్తి సినిమాతో తెలుగు తెరకు పరిచయమైంది నటి సనా ఖాన్. ఈ మధ్యనే పెళ్లి చేసుకున్న సనా సినిమాలకు బైబై చెప్పి ఫ్యామిలీ లైఫ్ను ఎంజాయ్ చేస్తోంది. తాజాగా సనా ఖాన్ పండంటి మగ బిడ్డకు జన్మనిచ్చింది. సినిమాలు చేయకపోయినా సోషల్ మీడియాలో సనా ఖాన్ చాలా యాక్టివ్గా ఉంటుంది. ఎప్పటికప్పుడు తనకు సంబంధించిన సంగతులను ఇన్స్టాగ్రామ్ వేదికగా పంచుకుంటుంది. సనాకు ఇన్స్టాలో లక్షల్లో ఫాలోవర్స్ ఉన్నారు. అందుకే తనకు బాబు పుట్టిన విషయాన్ని కూడా సనా ఇన్స్టాగ్రామ్లో పోస్ట్ పెట్టింది. పోస్ట్తో పాటు ఓ నోట్ ను షేర్ చేసింది సనా.. " మీరు మాపై కురిపిస్తున్న ప్రేమాభిమానాలకు ధన్యవాదాలు. మీ దీవెనలు మా బిడ్డకు కూడా కావాలి’’ అని ఆమె కోరింది. దీంతో నెటిజన్లు ఆమెకు శుభాకాంక్షలు చెబుతూ ఇన్బాక్స్లో కామెంట్లు పోస్ట్ చేస్తున్నారు.
2005లో బాలీవుడులోకి సనా ఖాన్ నటిగా ఎంట్రీ ఇచ్చింది. అక్కడ పెద్దగా వర్కౌట్ కాకపోవడంతో సౌత్ వైపు దృష్టి సారించింది. తెలుగుతో పాటు తమిళం, మలయాళం, కన్నడ భాషల్లోనూ హీరోయిన్గా నటించింది సనా ఖాన్. కల్యాణ్ రామ్తో కత్తి సినిమాలో నటించగా, మంచు మనోజ్తో ‘మిస్టర్‌ నూకయ్య’ చిత్రంలో కనిపించింది. నటిగా మంచి అవకాశాలు అందుకుంటున్న సమయంలోనే సినిమాలకు గుడ్‌ బై చెప్పేసి 2020లో అనాస్‌ సయ్యద్‌ని పెళ్లి చేసుకుంది.
