Hero Nani : కేసీఆర్ పాత్రలో ఇరగదీసిన నాని.. ఏందివయా.. వీడియో వైరల్
తెలంగాణ సీఎం కేసీఆర్ ప్రెస్ మీట్ పెడితే ఓ లెవల్లో ఉంటుంది. మధ్యమధ్యలో జోకులతో నవ్వించడం, కసురుకోవడం, సవాల్ విసరడం వంటివెన్నో యమరంజుగా సాగుతుంటాయి. తన వాక్చాతుర్యంతో విలేకర్లపై పైచేయి సాధిస్తూ దృశ్యాన్ని రక్తి కట్టిస్తుంటారు. ఆయన ప్రసంగాలను అనకరిస్తూ కుర్రాళ్లు చేసే వీడియోలకు కూడా మంచి స్పందన ఉంటుంది. నేచురల్ స్టార్ నాని కూడా కేసీఆర్ స్పీచ్‌లకు ఫిదా అయిపోయాడు. సీఎంను మక్కికి మక్కీ అనుకరిస్తూ నాని పెట్టిన ‘ప్రెస్ మీట్’ తెగ వైరల్ అవుతోంది. తన కొత్త చిత్రం ‘హాయ్ నాన్న’ ప్రచారంలో భాగంగా నాని ఈ విన్యాసం చేశాడు.
మాటిమాటికి విలేకరి రాహుల్ పేరు ప్రస్తావిస్తూ తెలంగాణ యాసలో కేసీఆర్‌లా జీవించేశాడు. ‘‘రాహుల్ వచ్చేసిండుగదా.. ఏందివయా అట్ల నవ్వుతారు. మేం ఫ్రెండ్స్ గదా.. మేం హండ్రెస్ పర్సెంట్ ఎంటర్టైన్‌మెంట్ ఇస్తున్నం కదా.. మేం ఎప్పుడూ ఇచ్చేదే అది.. ఎక్స్‌ట్రాలెందుకయా.. అరే చెప్తానా విను.. ఏయ్ ఆగవయా నీ లొల్లిపాడుగాను.. ఆయననిటు తోల్కరండి.. నో చాన్స్ .. పోస్ట్ పోన్ కాదు.. ట్రైలర్ మొత్తం చూసి యాక్షన్ సినిమా అంటవేది.. ఆడితే ఆడతది, పీకితే పీకుతది.. పంచాది పెట్టొద్దు, డిసెంబర్ 7న దావత్ చేసుకోవాలె’’ అని కేసీఆర్ హావభావాతో అన్నాడు. శౌర్య శివ దర్శకత్వంతో రూపొందిన ‘హాయ్ నాన్న’ డిసెంబర్ 7న విడుదల కానుంది. మూవీలో నాని సరసన మృణాల్ ఠాకూర్ హీరోయిన్‌గా నటిస్తోంది.
ఊరికే
— Nani (@NameisNani) November 20, 2023
Press meet పెట్టా 😬#HiNanna #HiNannaOnDec7th pic.twitter.com/bZIQroHN5P
