త్రిషకు షాక్ ఇచ్చిన నయనతార

ఒకరి అవకాశాలు మరొకరు అందుకోవడం కామన్ గా చూస్తుంటాం. ఇలాంటప్పుడు మాగ్జిమం వినిపించే డైలాగ్ డేట్స్ అడ్జెస్ట్ కాలేదు అని. కానీ కొన్ని సందర్భాల్లో అసలు కారణాలు వేరే ఉంటాయి. అవి అంత సులువుగా బయటకు రావు. మరి అలాంటి కారణాలున్నాయా లేదా అనేది చెప్పలేం కానీ లేటెస్ట్ గా లియో బ్యూటీ త్రిషకు జవాన్ సోయగం నయనతార షాక్ ఇచ్చింది. త్రిష ఆఫర్ ను నయన్ అందుకుంది. ఇది మేకర్స్ డెసిషనేఅయినా.. ఈ నిర్ణయంతో నయనతార చిరకాల కోరిక కూడా నెరవేరబోతోంది..

ఆఫర్స్ చేతులు మారడం ఇండస్ట్రీలో ఎప్పటి నుంచో ఉంది. కొన్నిసార్లు కొందరు వదులుకున్న కథలతో మరికొరు బ్లాక్ బస్టర్స్ అందుకుంటారు. ఇలాంటి అన్ని పరిశ్రమల్లోనూ కనిపిస్తుంటాయి. మరి త్రిష వదులుకుందా లేక మేకర్స్ వద్దనుకున్నారా అనేది అప్పుడే తెలియదు కానీ.. ఓ ప్రిస్టీజియస్ ప్రాజెక్ట్ లో ముందుగా అనుకున్న త్రిషను కాదనుకుని ఆమె స్థానంలో నయనతారను తీసుకున్నారు అనే వార్తలు కోలీవుడ్ లో హల్చల్ చేస్తున్నాయి. 36యేళ్ల క్రితం వచ్చిన నాయకుడు తర్వాత కమల్ హాసన్ - మణిరత్నం కాంబినేషన్ లో సినిమా రాబోతోంది. ఈ ప్రాజెక్ట్ గురించి కోలీవుడ్ తో పాటు దేశమంతా ఆసక్తిగా చూస్తోంది. ఇక ఈ మూవీలో కమల్ కు జోడీగా తన పొన్నియన్ సెల్వన్ లో కీలక పాత్ర చేసిన త్రిషను ఎంచుకున్నాడు మణిరత్నం. త్రిష అంతకు ముందు కమల్ హాసన్ తో కలిసి చీకటి రాజ్యం అనే సినిమాలో నటించింది. కాకపోతే ఇది రెగ్యులర్ హీరోయిన్ రోల్ కాదు. దీంతో ఈ సారి ఈ పెయిర్ ఆకట్టుకుంటుంది అనుకున్నారు. మరి ఏమైందో కానీ.. ఈ ప్రాజెక్ట్ నుంచి త్రిషను తప్పించాడు మణిరత్నం అనే వార్తలు వస్తున్నాయి. త్రిష స్థానంలో నయనతారను తీసుకున్నారు అని కూడా చెబుతున్నారు.

ఇక కోలీవుడ్ లో టాప్ హీరోయిన్ గా వెలుగుతోన్న నయనతార అక్కడి అందరు టాప్ హీరోలతోనూ నటించింది.. ఒక్క కమల్ తో తప్ప. తన కెరీర్ లో ఇదో పెద్ద లోటు అని.. ఆయనతో అవకాశం వస్తే అరక్షణం కూడా ఆలోచించను అని చాలాసార్లు చెప్పుకుంది నయనతార. మరి ఇలా ఇద్దరు లెజెండ్స్ కలిసి చేస్తోన్న మూవీలో ఛాన్స్ వస్తే వదులుకుంటుందా.. ? వెంటనే ఎస్ చెప్పిందంటున్నారు. మరి కమల్ - మణి ప్రాజెక్ట్ లోకి నయనతార ఎంట్రీకి సంబంధించిన అఫీషియల్ న్యూస్ ఇంకా రావాల్సి ఉంది.