టమాటాల చోరీ.. పరుగెత్తిన వరలక్ష్మీ శరత్ కుమార్
"ఈ రోజు మార్కెట్ లో కిలో టమాటా ఎంత? వచ్చే వారం కల్లా రేట్లు(Price of tomatoes) తగ్గుతాయా? వర్షాలు కరియడంతో మళ్లీ రేట్లు పెరిగినయ్ అంట.." ప్రస్తుతం దేశవ్యాప్తంగా సామాన్యులు చర్చిస్తున్న ఒక్కటే మాట ఇది. టమాటా పంట వేసి గిట్టుబాటు లేక నష్టపోయి.. పంటను రోడ్డుమీద పారేసిన రోజుల నుంచి రైతులు.. ప్రస్తుతం ఆ టమాటాలు అమ్ముకుని కోటీశ్వరులు అవుతున్నారు. ఈక్రమంలోనే టమాటాలపై.. వాటి రేటుపై ఎన్నో వీడియోలు..మీమ్స్.. జోకులు.. ఎవరి ప్రయత్నాలు వారు చేస్తున్నారు. కామన్ నెటిజన్లు, యూబ్యూబర్లతో పాటు.. ఫిల్మ్ సెలబ్రిటీలు కూడా టమాటాల రేట్లపై రకరకాల వీడియోలు, రీల్స్ చేస్తున్నారు.
తాజాగా తమిళ స్టార్ నటి టాలీవుడ్ లేడీ విలన్ వరలక్ష్మీ శరత్ కుమార్(Varalakshmi Sarathkumar) కూడా టామాటాల మీద ఓ వీడియోను పోస్ట్ చేశారు. తన టమాటాల బ్యాగ్ ఓదొంగ ఎత్తికెళ్ళిపోయాడంటూ.. వీడియోను షేర్ చేశారు నటి. ఈ వీడియోలో ఏముందంటే..? వరలక్ష్మీ ఓ గోడ దగ్గర నిలబడి.. అక్కడే ఉన్న మరో అమ్మాయితో డీప్ గా మాట్లాడుతూ ఉంటుంది. అప్పటికే తన దగ్గర ఉన్న ఫోన్ తో పాటు తను కొన్న టమాటాలను కూడా ఆ గోడపై పెట్టి మాట్లాడుతుండగా.. ఓ దొంగ వాటిని గమనిస్తాడు. వెనుకనుంచి వచ్చి వరలక్ష్మీ ఖరీదైన సెల్ ఫోన్ ను ఎత్తుకెళ్లిపోతాడు. ఇది చూసిన మరో అమ్మాయి ఈ విషయాన్ని వరలక్ష్మీకి చెబితే ఫోనే కదా పోతే పోనీ అన్నట్టు ఎక్స్ ప్రెషన్ ఇస్తుంది.
ఇక ఆ తరువాత అదే దొంగ మళ్లీ వెనకనుంచి వచ్చి.. ఫోన్ అక్కడ పెట్టి..టమాటాల ప్యాక్ ను ఎత్తుకెళ్లిపోతాడు. దాంతో అది చూసిన వరలక్ష్మీ.. ఆమె మాట్లాడుతున్న వ్యక్తి ఇద్దరు కలిసి ఆ దొంగ వెంట పడతారు. టమాటాల విలువ తెలియజేస్తున్నట్టుగా వరలక్ష్మీ శరత్ కుమార్ చేసిన ఈ వీడియో సోషల్ మీడియాలో( viral on social media) వైరల్ అవుతోంది. వరలక్ష్మీ వీడియో కు నెటిజన్లు.. రకరకాల కామెంట్లు పెడుతున్నారు.
