Varun Tej : వరుణ్ తేజ్ మరో డిజాస్టర్

వరుణ్ తేజ్ ఆపరేషన్ వాలెంటైన్ ఫెయిల్ అయింది. ఇప్పుడు అతని నెక్ట్స్ సినిమాపై ఆపరేషన్ మొదలైంది. యస్.. ఆపరేషన్ వాలెంటైన్ పై వరుణ్ చాలా హోప్స్ పెట్టుకున్నాడు. బట్ సినిమా డిజాస్టర్ అయింది. మినిమం వసూళ్లు కూడా సాధించలేక బాక్సాఫీస్ వద్ద ఆ మిషన్ దారుణంగా ఫెయిల్ అయింది. ఈ ఫ్లాప్ తో హ్యాట్రిక్ కొట్టాడు వరుణ్. మరి వరుసగా సినిమాలు పోతుంటే కొత్త సినిమాల బడ్జెట్ లెక్కలు మారతాయి కదా..? అందుకే వరుణ్ తర్వాతి సినిమా మట్కాకు రిపేర్స్ స్టార్ట్ అయ్యాయి. కరుణ కుమార్ డైరెక్షన్ లో రూపొందుతోన్న ఈ మూవీకి కొన్నాళ్ల క్రితమే బడ్జెట్ పెరిగిందని ఆపేశారు. తర్వాత మరో నిర్మాత వచ్చాడు. మళ్లీ స్టార్ట్ చేశారు. బట్.. ఈ ఆపరేషన్ వాలెంటైన్ కూడా పోయిన తర్వాత వరుణ్ పై అంత బడ్జెట్ వర్కవుట్ కాదు అన్న విషయం తేలిపోయింది కదా..? అందుకే మట్కా విషయంలో మరోసారి ఆలోచన చేస్తున్నారట. అసలే ఈ మూవీ 1960స్ లో సాగే పీరియాడిక్ డ్రామా. ఖచ్చితంగా పెద్ద బడ్జెట్ అవసరం. బట్ ఆ బడ్జెట్ ను రికవర్ చేసేంత సీన్ వరుణ్ కు లేదని ఓపెనింగ్స్ చెబుతున్నాయి. అందుకే మట్కా ఆగిపోయే అవకాశాలే చాలా ఉన్నాయంటున్నారు. మొత్తంగా ఆపరేషన్ ఫెయిల్.. మట్కా అవుట్ అనుకోవచ్చా..?