స్పై యాక్షన్ హీరోగా వెన్నెల కిషోర్.. డైరెక్టర్ ఎవరంటే..

మంచి యాక్టర్ గా, కమెడియన్ గా , డైరెక్టర్ గా తన టాలెంట్ ఏంటో నిరూపించుకున్న వెన్నెల కిషోర్.. ఇక త్వరలోనే హీరోగా రాబోతున్నారు. బర్కత్ స్టూడియోస్ పతాకంపై అదితి సోనీ నిర్మిస్తున్న సినిమా ‘చారి 111’. టీజీ కీర్తి కుమార్ దర్శకత్వం వహిస్తున్నారు. సుమంత్ హీరోగా నటించిన హిట్ సినిమా ‘మళ్ళీ మొదలైంది’ తర్వాత కీర్తికుమార్ దర్శకత్వం వహిస్తున్న చిత్రమిది. ఇందులో ‘వెన్నెల’ కిషోర్ సరసన సంయుక్తా విశ్వనాథన్ కథానాయికగా నటిస్తున్నారు. మురళీ శర్మ ముఖ్య పాత్ర పోషిస్తున్నారు. ఈరోజు సినిమాను ప్రకటించడంతో పాటు కాన్సెప్ట్ టీజర్ కూడా విడుదల చేశారు.

వీడియోలో "ఎప్పుడూ ప్రశాంతంగా ఉండే ఈ సిటీకి ఓ ప్రమాదం వచ్చి పడింది. దాన్ని ఎదురించడానికి ఒక ఎక్స్​ ఆర్మీ మెన్​ రా. ఈ కథలోనే ఒక విలన్​. ఒక హీరోయిన్​. అలాగే ఒక సమస్య. వీళ్లంతా ఎదురుచూసేది ఒకే ఒక్కడి కోసం. ఒక హీరో. కానీ వాళ్లకు దొరికిందేమో లక్క్ ఉండి టాలెంట్​ స్టైల్ ఉన్న స్టఫ్ లేని ఓ ట్యూబ్​లైట్​ గాడు." అంటూ బ్యాక్​గ్రౌండ్​లో కెమెడియన్ సత్య వాయిస్ ఓవర్ ఇచ్చారు. తెలుగు సినిమా ఓ సినిమాను యానిమేషన్​ తరహాలో అనౌన్స్​ చేయడం ఇదే మొదటిసారి ఈ చిత్రానికి సైమన్ కె కింగ్ మ్యూజిక్ అందిస్తున్నారు. కాశీశ్​ గ్రోవర్​ సినిమాటోగ్రఫీ అందిస్తున్నారు. ఈ యాక్షన్​ కామెడీ మూవీ.. రోలర్​ కోస్టర్ రైడ్ తరహాలో ఉంటుందని, అలానే చాలా అద్భుతంగా, యాక్షన్​ కామెడీగా ఉంటుందని దర్శకుడు టీజీ కీర్తి కుమార్ అన్నారు.