పెళ్లంటేనే సావురా.. ఆకట్టుకుంటున్న ఖుషి ట్రైలర్..

విజయ్‌ దేవరకొండ , సమంత జంటగా నటిస్తున్న చిత్రం ఖుషి. శివ నిర్వాణ డైరెక్ట్ చేస్తున్న ఈ మూవీని మైత్రీ మూవీ మేకర్స్‌ నిర్మిస్తోంది. ఇప్పటికే ఈ మూవీ నుంచి రిలీజైన సాంగ్స్ విశేషంగా ఆకట్టుకుంటున్నాయి. నా రోజా నువ్వే, ఆరాధ్య, ఖుషి సాంగ్స్ యూట్యూబ్లో ట్రెండింగ్గా మారాయి. తాజాగా ఈ మూవీ ట్రైలర్ రిలీజ్ అయ్యింది. ట్రైలర్లో సామ్ - విజయ్ కెమిస్ట్రీ అదిరింది. వారి మధ్య వచ్చే సన్నివేశాలు, డైలాగులు అందరినీ ఆకట్టుకుంటున్నాయి.

మనలాంటి జంట ప్రపంచంలోనే లేదని ప్రూవ్ చేయాలి అని సమంత.. భర్త అంటే ఎట్లా ఉండాలో సమాజానికి చూపిస్తా అని విజయ్ చెప్పిన డైలాగ్స్ అలరిస్తున్నాయి. ఈ మూవీ సెప్టెంబర్ 1న తెలుగుతో పాటు హిందీ, తమిళం, కన్నడ, మలయాళం భాషల్లో రిలీజ్ అవుతోంది. ఈ మూవీకి హేషాం అబ్దుల్ వహాబ్ సంగీతం అందిస్తున్నారు. ఇక ఈ సినిమాలో జయరాం, మురళీ శర్మ, సచిన్ ఖేడేకర్, లక్ష్మి, అలీ, రోహిణి, వెన్నెల కిశోర్, రాహుల్ రామకృష్ణ నటిస్తున్నారు.