Vijay rashmika..ఒక్కటి కాబోతున్న లవ్ బర్డ్స్..! ఎంగేజ్మెంట్ వార్తలపై క్లారిటీ..
టాలీవుడ్‌లో మరో క్రేజీ జంట పెళ్లి పీటలు ఎక్కేందుకు సిద్ధమవుతున్నారట. వీరిద్దరూ ఇప్పటికే డేటింగ్‌లో ఉన్నట్లు చాలాసార్లు వార్తలు కూడా వచ్చాయి. అంతేకాదు.. కొన్నిసార్లు సోషల్ మీడియా పోస్టులతో అభిమానులకు దొరికిపోయారు. గీతా గోవిందం, డియర్ కామ్రేడ్ సినిమాల్లో కలిసి నటించిన ఆ జంటే విజయ్ దేవరకొండ, రష్మిక మందాన.
టాలీవుడ్ స్టార్ న‌టులు విజయ్ దేవరకొండ, రష్మిక గురించి పెద్ద‌గా ప‌రిచ‌యం అక్క‌ర్లేదు. ఇటీవ‌లే విజయ్ దేవరకొండ ఖుషి సినిమాతో ప్రేక్ష‌కుల ముందుకురాగా.. రష్మిక యానిమల్తో బ్లాక్ బ‌స్ట‌ర్‌ను ఖాతాలో వేసుకుంది. అయితే ఈ ఇద్ద‌రూ గతకొంత కాలంగా వీళ్లిద్దరూ ప్రేమలో ఉన్నారని, త్వరలో పెళ్ళి కూడా చేసుకుంటారని సోషల్ మీడియాలో వార్తలు వ‌స్తున్నాయి. దీనికి తోడు అప్పుడ‌ప్పుడు వీరిద్దరూ కలిసి ఒకే లోకేషన్‌లో దిగిన ఫోటోలను వేర్వేరుగా ఇన్‌స్టాలో పోస్ట్ చేస్తూ ఆ వార్త‌ల‌కు మరింత బలం చేకూర్చారు.
తాజాగా ఈ స్టార్స్ పెళ్లి చేసుకోబోతున్నారని సోషల్ మీడియా కోడై కూస్తోంది. పెళ్లికి సంబంధించిన ఏర్పాట్లు కూడా ప్రారంభమైనట్లు సమాచారం. ఫిబ్రవరి సెకండ్ వీక్లో ఎంగేజ్‌మెంట్‌కు సంబంధించిన వార్త‌ను అధికారికంగా ప్ర‌క‌టించ‌నున్న‌ట్లు సోషల్ మీడియాలో వార్తలు వైర‌ల్ అవుతున్నాయి. ఈ న్యూస్ చూసిన అభిమానుల్లో కొందరు ఫేక్ న్యూస్ అని అంటుండ‌గా.. క్యూట్ పెయిర్, ఈ వార్తలు నిజమైతే బాగుండని మరికొందరు అంటున్నారు. ఈ వార్తలపై విజయ్ టీం స్పందించింది. విజయ్, రష్మిక పెళ్లి గురించి వస్తున్న వార్తల్లో ఎలాంటి నిజం లేదని చెప్పింది. సోషల్ మీడియాలో వస్తున్న వార్తలను ఏ మాత్రం నమ్మొద్దని కోరింది.
ప్రస్తుతం విజయ్ దేవరకొండ, మృణాల్ ఠాకూర్ జంటగా ఫ్యామిలీ స్టార్ చిత్రంలో నటిస్తున్నారు. మరోవైపు యానిమల్తో మరో సూపర్‌ హిట్‌ను ఖాతాలో వేసుకున్న రష్మిక.. పుష్ప-2 చిత్రంలో నటిస్తోంది.
