Yatra 2: యాత్ర 2 రిలీజ్.. థియేటర్లో పొట్టుపొట్టుగా కొట్టుకున్న పవన్,జగన్ ఫ్యాన్స్
ఉమ్మడి రాష్ట్ర మాజీ ముఖ్యమంత్రి , దివంగత నేత వైఎస్ రాజశేఖర్ రెడ్డి, ఆయన తనయుడు ఏపీ సీఎం జగన్ మోహన్ రెడ్డి జీవితం ఆధారంగా తెరకెక్కిన చిత్రం ‘యాత్ర2’. ఈరోజు తెలుగు రాష్ట్రాల్లో విడుదలైంది. ఈ సినిమాలో వైఎస్ రాజశేఖర్ రెడ్డిగా ప్రముఖ నటుడు మమ్ముట్టీ , వైఎస్ జగన్ మెహన్ రెడ్డిగా తమిళ నటుడు జీవా నటించారు. 2009లో వైఎస్సాఆర్ మరణం తర్వాత ఏపీ రాజకీయాల్లో చోటుచేసుకున్న పరిణామాలతో యాత్ర సినిమా ప్రేక్షకుల ముందుకు వచ్చింది. ఈ సినిమా విశేష ప్రేక్షకాదరణ పొందడంతో ఆ సినిమాకు సీక్వెల్ గా ఇప్పుడు ‘యాత్ర2’ విడుదలైంది. మహి వీ రాఘవ్ ఈ రెండు చిత్రాలకు దర్శకత్వం వహించారు.
ఎన్నికల తరుణంలో వచ్చిన ఈ సీక్వెల్ పై తెలుగు రాష్ట్రాల్లో చర్చ నడుస్తోంది. వైసీపీ సానుభూతి పరులు, జగన్ అభిమానులు ఈ సినిమాకు మొదటి నుంచి మద్ధతిస్తున్నారు. ఈ రోజు సినిమా విడుదల కావడంతో.. థియేటర్లలో వైసీపీ స్లోగన్స్ తో రచ్చ చేస్తున్నారు. ఈ క్రమంలో హైదరాబాద్‌లోని ప్రసాద్ ఐమాక్స్ లో సినిమా చూసేందుకు వచ్చిన పవన్, జగన్ అభిమానులు ఘోరంగా కొట్టుకున్నారు. ఇందుకు సంబంధించిన వీడియో వైరల్ గా మారింది. పవన్ అభిమానులనే జగన్ ఫ్యాన్స్ దాడి చేశారని పలువురు అంటున్నారు. తెలంగాణలోనే ఇలా ఉందంటే.. ఇంక ఏపీలో ఎలా ఉంటుందోనని అభిప్రాయపడుతున్నారు.
#Yatra2
— Narasimha Tarak (@NarasimhaNTR999) February 8, 2024
థియేటర్లో కొట్టుకున్న పవన్,జగన్ ఫ్యాన్స్ 😅😅
హైదరాబాద్ ప్రసాద్ ఐమాక్స్#JanaSenaParty #YSRCP #Pawanakalyan #Jagan pic.twitter.com/9EgBm44M13
జనసేన పార్టీ చీఫ్ పవన్ కళ్యాణ్ గత కొంతకాలం సీఎం జగన్ మోహన్ రెడ్డిపై విమర్శనాస్త్రాలను సంధిస్తున్న సంగతి తెలిసిందే. సీఎం గద్దె దించాలని ప్రచారాలు చేస్తున్నారు. ఈ క్రమంలో పవన్ కళ్యాణ్ అభిమానులు కూడా ఆయనకు మద్దతుగా నిలుస్తున్నారు. అటు జగన్ అభిమానులు కూడా ఏమాత్రం తగ్గకుండా ఆయా రాజకీయ కార్యక్రమాలను విజయవంతం చేస్తున్నారు. ఈ క్రమంలోనే ‘యాత్ర-2’ సినిమా ప్రదర్శిస్తుండగా ఇరు వర్గాలు బాహాబాహీకి దిగినట్లుగా తెలుస్తోంది. ప్రస్తుతం అందుకు సంబంధించిన వీడియో సోషల్ మీడియాలో విపరీతంగా వైరల్ అవుతోంది.
