Rajinikanth Lal Salaam: బాక్సాఫీస్ వద్ద బోల్తా కొట్టిన 'లాల్ సలామ్'
సూపర్ స్టార్ రజినీకాంత్ సినిమాకు ఉన్న క్రేజ్ అంతా ఇంత కాదు. ఆయన సినిమా ఎప్పుడు విడుదలైనా భారీ ఓపెనింగ్స్ వస్తూ ఉంటాయి. అయితే ఆయన నటించిన తాజా చిత్రం లాల్ సలామ్ బాక్సాఫీస్ వద్ద బోల్తా కొట్టింది. ఆ సినిమాను పట్టించుకునే నాథుడే లేదు. అసలు లాల్ సలామ్ సినిమా అనేది ఒకటి విడుదలైందని చాలా మందికి తెలియడం లేదు. మొదటి రోజు కలెక్షన్స్ గురించి ఎవ్వరూ మాట్లాడుకోవడమే లేదు. ఈ మూవీకి ఓపెనింగ్స్ ఏమీ లేవని, తొలి రోజే జీరో షేర్ వచ్చిందని సినీ ఇండస్ట్రీలో జోరుగా చర్చించుకుంటున్నారు.
లాల్ సలామ్ మూవీలో రజినీకాంత్ మెయిన్ రోల్ చేసినప్పటికీ ఈ మూవీని ఆయన కూతురు ఐశ్వర్య తీసింది. లైకా వంటి భారీ ప్రొడక్షన్ హౌస్ ఈ మూవీని రూపొందించింది. కానీ అవేవీ జనాల్లోకి వెళ్లలేదు. విష్ణు విశాల్ అంటే కూడా తెలుగులో చాలా మందికి తెలిసినా ఆ మూవీని చూసేందుకు ఎవ్వరూ ఆసక్తిచూపడం లేదు. అయితే ఫిబ్రవరి 9వ తేదిన రవితేజ మూవీ ఈగల్ విడుదలైంది. ఈగల్ మూవీ వల్ల లాల్ సలామ్ కనిపించకుండా పోయిందని సినీ వర్గాల్లో చర్చ సాగుతోంది.
జైలర్ మూవీ తర్వాత వచ్చే సినిమా ఓ రేంజ్‌లో ఉండాలి. కానీ లాల్ సలామ్ మూవీకి పబ్లిషిటీ ఏమాత్రం చేయలేదనిపిస్తోంది. ఆ మూవీ చూసిన కొందరు కూడా అది బాగాలేదని చెప్పేస్తున్నారు. మౌత్ టాక్‌తో అయినా సినిమా నిలబడుతుందని అనుకుంటుంటే ఈ మూవీకి అది కూడా లేదు. ఇన్నేళ్ల రజినీ కెరీర్‌లో ఇలాంటి రోజు ఎప్పుడూ రాలేదని రజినీ అభిమానులే చర్చించుకుంటున్నారు. ఇకపోతే వీకెండ్‌లో కూడా ఈ మూవీ పరిస్థితి అలానే ఉంది. సోమవారం నుంచి ఆ మూవీని ఎత్తేసేలా ఉన్నారని తెలుస్తోంది. మొత్తానికి లాల్ సలామ్ మూవీ ఓ చెత్త రికార్డును మూటగట్టుకుందని చెప్పాలి.
