భారత్తో టెస్ట్ సిరీస్కు బాహుబలి క్రికెటర్.. విండీస్ వ్యూహం ఏంటో..?

జులై 12 నుంచి.. టీమిండియాతో సొంత గడ్డపై జరుగబోయే టెస్ట్ సిరీస్ కు వెస్టిండీస్ వ్యూహాలు మొదలుపెట్టింది. క్రెయిగ్ బ్రాత్ వైట్ ను కెప్టెన్ గా కొనసాగిస్తూ.. ఇటీవలే 13 మందితో కూడిన జట్టును ప్రకటించింది. ఈ సిరీస్ కోసం వెస్టిండీస్ బాహుబలి అని పిలిచే రఖీమ్ కార్క్ మల్ ను ప్రత్యేకంగా తిరిగి జట్టులోకి తీసుకొచ్చింది. తాజాగా బంగ్లాదేశ్ ఎ తో జరిగిన వెస్టిండీస్ ఎ మ్యాచ్ లో రఖీమ్ అద్భుత ప్రదర్శన చేశాడు. దాంతో మెయిన్ టీంలో తిరిగి అవకాశం దక్కింది.

రఖీమ్ తిరిగి జట్టులోకి రావడంపై పలువురు ఆశ్యర్యం వ్యక్తం చేస్తున్నారు. చివరిసారి 2021లో టెస్ట్ క్రికెట్ ఆడిన ఈ ఆఫ్ స్పిన్నర్.. రెండేళ్ల తర్వాత జట్టులోకి వచ్చాడు. గుడాకేష్ మోతీ గాయం కారణంగా జట్టుకు దూరం కాగా.. రఖీమ్ కు అవకాశం దక్కింది.