పెళ్లి కాకుండానే తల్లిని చేసిండు.. చివరకు..

ఓ యువతి కుటుంబంతో కలిసి ఓ ఇంట్లో కిరాయికి ఉంటుంది. ఈ క్రమంలో ఇంటి ఓనర్ కుమారుడు పరిచయం అయ్యాడు. ఆ పరిచయం కాస్త ప్రేమగా మారింది. ప్రేమ ఒక్కోసారి గుడ్డిగా మారుతుందన్నట్లు ఆ యువతి అతడిని గుడ్డిగానే నమ్మింది. దీన్ని ఆసరాగా చేసుకున్న అతడు ఆమెను వంచించి గర్భవతిని చేశాడు. తీరా చూస్తే ఇప్పుడు మొఖం చాటేశాడు. ప్రస్తుతం ఆ యువతి మగబిడ్డకు జన్మనిచ్చింది.

ఈ ఘటన రంగారెడ్డి జిల్లా శంకర్‌పల్లిలో జరిగింది. హనుమాన్‌నగర్‌ కాలనీలో మోకిల గ్రామానికి చెందిన బాధిత యువతి కుటుంబం ఓ ఇంట్లో రెండేళ్లుగా కిరాయికి ఉంటున్నారు. ఇంటి ఓనర్‌ కుమారుడు కార్తీక్‌ యువతితో పరిచయం పెంచుకున్నాడు. ఆ పరిచయం కాస్త ప్రేమగా మారింది. ఇంకేముంది చెట్టాపట్టాలేసుకుని తిరిగారు. కట్ చేస్తే యువతి గర్భవతి అయ్యింది. దీంతో కథ కుటుంబాల వరకు వెళ్లింది.

ఈ క్రమంలో ఇరు కుటుంబీకుల మధ్య గొడవలు జరిగాయి. కాగా మే 24న యువతి మగ బిడ్డకు జన్మనిచ్చింది. కార్తీక్‌ కుటుంబ సభ్యులు మాత్రం పెళ్లికి ఒప్పుకోలేదు. దీంతో బాధితురాలు పోలీసులకు ఫిర్యాదు చేసింది. పోలీసులు కేసు నమోదు చేసుకుని దర్యాప్తు చేస్తున్నారు.