మకరరాశిలోకి కుజుడు ప్రవేశం..ఈ రాశులవారికి అన్నీ శుభాలే

ఫిబ్రవరి నెలలో గ్రహాల సంచారం వల్ల కొన్ని రాశుల వారికి ఆకస్మిక ధనలాభం కలుగుతుంది. ఇక ఈ నెలంతా వారికి తిరుగుండదు. జ్యోతిష్యశాస్త్రం ప్రకారంగా నవ గ్రహాలలో అంగారకుడు అయిన కుజ గ్రహం అన్ని గ్రహాలను శాసిస్తుంది. గ్రహాలకు అధిపతిగా కుజుడు ఉండటంతో ఆ గ్రహం ప్రవేశించడం వల్ల కొన్ని రాశులవారు అనుకున్న పనులన్నీ సకాలంలో పూర్తవుతాయి. ఈ కుజగ్రహం ఫిబ్రవరి తొలివారంలో ధనస్సు రాశి నుంచి మకరరాశిలోకి ప్రవేశిస్తాడు. దీంతో కొన్ని రాశుల వారు అదృష్టాన్ని పొందనున్నారు. మరి ఆ రాశులు, వారికి జరిగే ఆ శుభఫలితాలేంటో చూద్దాం.

మేష రాశి

ఫిబ్రవరి నెలలో ఈ రాశివారికి అన్నీ శుభాలే జరగనున్నాయి. ఉద్యోగాలు చేస్తున్నవారికి ప్రమోషన్ల వచ్చే అవకాశం ఉంది. అలాగే వ్యాపారాలు చేసేవారు మంచి లాభాలను చూస్తారు. అవివాహితులకు పెళ్లి కుదురుతుంది. కుటుంబంలో సంతోషకర వార్తలు వింటారు. అలాగే శత్రువులు కూడా మిత్రులుగా మారిపోతారు. ఏ పని తలపెట్టినా తిరుగుండదు.

వృషభ రాశి

కుజుడి సంచారం వల్ల ఆ రాశివారికి అన్నీ అనుకూల ఫలితాలు వస్తుంటాయి. చేసే ప్రతి ప్రయత్నంలోనూ విజయాలను పొందుతారు. ఆదాయం ఒక్కసారిగా పెరుగుతుంది. వ్యాపారాలను విస్తరిస్తారు. లాభాలు వద్దన్నా వస్తాయి. కుటుంబంలో చికాకులు మాయం అవుతాయి.

కర్కాటక రాశి

ఈ రాశిలోకి అంగారకుడు ప్రవేశించడం వల్ల విశేష లాభాలను పొందుతారు. తలపెట్టే కార్యక్రమాలన్నింటిలోనూ అద్భుత ఫలితాలు వస్తాయి. వ్యాపారాల్లో ఒడిదుడుకులను ఎదుర్కొంటారు. సంతానానికి సంబంధించిన శుభవార్త వింటారు. కుటుంబ కలహాలు పరిష్కారం అవుతాయి. మీ శత్రువులు మీ వద్దకే వచ్చి సాయం అడుగుతారు.

తులా రాశి

ఈ రాశివారికి అనేక రకాలుగా సంఘంలో గౌరవ మర్యాదలు దక్కుతాయి. ఉద్యోగులకు ప్రమోషన్లు లభించనున్నాయి. ఉద్యోగంలో పైఅధికారుల మద్దతు లభిస్తుంది. కోర్టు కేసుల్లో అనుకూలంగా తీర్పులు వస్తాయి. అనారోగ్యంతో ఉన్నవారి ఆరోగ్యం మెరుగుపడుతుంది. ఎప్పుడూ లేనంత ప్రశాంతత లభిస్తుంది.

మకరరాశి

అంగారకగ్రహ సంచారం వల్ల ఈ రాశివారికి పట్టిందల్లా బంగారమే అవుతుంది. ఆకస్మికంగా ధనలాభాన్ని పొందుతారు. ఆర్థిక పరిస్థితి ఒక్కసారిగా మెరుగవుతుంది. చేసిన అప్పులన్నీ తీర్చగలుగుతారు. రాజకీయ నాయకులకు పలుకుబడి, గౌరవం లభిస్తుంది. వైవాహిక జీవితంలో కలహాలు దూరం అవుతాయి. శుభవార్తలు వింటారు. తలపెట్టిన అన్ని పనులు సకాలంలో పూర్తవుతాయి.