టిప్పు సుల్తాన్ వారసురాలికి..బ్రిటన్ గౌరవం
టిప్పు సుల్తాన్ వారసురాలు, భారత సంతతికి చెందిన బ్రిటన్ మాజీ మహిళా స్పై నూర్ ఇనాయత్ ఖాన్కు అరుదైన గౌరవం లభించింది. బ్రిటన్‌కు చేసిన సేవలకు గుర్తుగా రాణి కెమిల్లా ఇనాయత్ ఖాన్కు నివాళులు అర్పించడంతో పాటు ఆమె చిత్రపటాన్ని ఆవిష్కరించారు. రాయల్ ఎయిర్ ఫోర్స్ క్లబ్‌ వేదికగా ఈ కార్యక్రమం జరిగింది. అంతేకాదు ఈ క్లబ్‌లోని ఓ గదికి ఆమె మేరు పెట్టి గౌరవించారు. ఇదే క్రమంలో ప్రముఖ భారత సంతతి రచయిత్రి శ్రాబణి బసూ ఇనాయత్ ఖాన్ బయోగ్రఫీ బుక్ని రాణికి బహూకరించారు.
బ్రిటన్ ఎయిర్‌ఫోర్స్‌లోని మహిళా విభాగంలో ఇనాయత్ ఖాన్ గూఢాచారిగా విధులు నిర్వహించారు. ఆమె స్పైగా బ్రిటన్‌కు విశేష సేవలు అందించారు. విధి నిర్వహణలో ఎప్పుడూ ఆమె వెనకడుగువేయలేదు. భయానక ప్రమాద సమయాల్లోనూ ఆమె అద్భుతమైన ధైర్యసాహసాలను ప్రదర్శించేవారు. అందుకే బ్రిటన్ సర్కార్ అప్పట్లో ఆమెను జార్జ్ క్రాస్‌తో సత్కరించింది. ఎయిర్ ఫోర్స్ మహిళా సెక్టార్లో అవార్డులను దక్కించుకున్న ఇద్దరు మహిళల్లో ఇనాయత్ ఖాన్ ఒకరు.
నూర్ ఇనాయత్ ఖాన్ 1914లో మాస్కోలో పుట్టారు. ఆమె తండ్రి సూఫీ సన్యాసి , ఈయన ఇండియాకు చెందిన వారు. ఆమె తల్లి అమెరికా వాస్తవ్యురాలు. నూర్ చిన్నతనంలోనే ఆమె కుటుంబం బ్రిటన్‌కు చేరుకుంది. దీంతో ఫ్రాన్స్‌లోని ఓ పాఠశాలలో నూర్ తన స్టడీస్ను పూర్తి చేసింది. సెకెండ్ వరల్డ్ వార్లో ఫ్రాన్స్ ఓడిపోయిన తరువాత ఇంగ్లండ్‌కు చేరుకున్ననూర్ బ్రిటన్ ఎయిర్ ఫోర్స్‌లోని వుమెన్ సెక్టార్లో చేరారు. నిఘా కార్యకలాపాలు, గూఢచర్యంతో శత్రువుల కట్టడి కోసం ఉద్దేశించి ఎస్ఓఈ విభాగంలో ఆమె విధులు నిర్వహించింది. ఫ్రాన్స్‌పై నిఘా కోసం నియమించిన తొలి మహిళా స్పైగా నూర్ రికార్డు సృష్టించారు. పలు డేంజరస్ మిషన్లలో ఆమె అసాధారణ ధైర్యసాహసాలను ప్రదర్శించారు. బ్రిటన్ ప్రభుత్వం నుంచి అవార్డులను అందుకున్నారు. శత్రువులకు చిక్కినా నూర్ బ్రిటన్‌కు సంబంధించిన సమాచారాన్ని ఎక్కడా లీక్ చేయలేదు. నూర్ మరణించిన తరువాత బ్రిటన్ సర్కార్ ఆమెను జార్జి క్రాస్ అవార్డుతో సత్కరించింది.
