ఫోన్ చూస్తూ జారిపడ్డ ప్రధాని.. తలకు బలమైన గాయం
చైనాలోని గెంగ్డూలో జరిగే ప్రపంచ విశ్వవిద్యాలయ క్రీడల ప్రారంభోత్సవానికి ఫిజీ దేశ ప్రధాని సితివేణి రబుకా హాజరుకావాల్సి ఉంది. అనంతరం చైనా అధ్యక్షుడు జిన్ పింగ్ తో కలిసి భైఠీ కావాల్సి ఉంది. ఈ నేపథ్యంలో ఓ అనూహ్య ఘటన ప్రధాని పర్యటనను రద్దు చేసింది. మొబైల్ ఫోన్ చూస్తున్న ఫిజీ ప్రధాని సితివేణి రబుకా.. కాలు జారి కింద పడ్డారు. దాంతో ఆయన తలకు బలమైన గాయం అయింది. ఈ విషయాన్ని తెలియజేస్తూ.. ఫిజి రాయబార కార్యాలయం ప్రకటించింది. దీనివల్ల ఆయన చైనా పర్యటన రద్దైనట్లు తెలిపింది. ఈ మేరకు ఓ విడియోను విడుదల చేస్తూ.. ఫిజీ ప్రధాని విషయాన్ని తెలియజేశారు. ఈ వీడియోలో ప్రధాని చొక్కాపై రక్తపు మరకలు కనిపించాయి. తన ఆరోగ్యం గురించి మాట్లాడిన ప్రధాని.. భయపడాల్సిన పనిలేదని, గాయానికి కుట్లు వేశారని తెలిపారు. ఈ పర్యటన వల్ల ఫిజీ, చైనాల మధ్య దౌత్యపరమైన చర్చలు బలపడే అవకాశం ఉండేది.
An update on the deferment of my trip to China due to an injury that I sustained earlier today due to a misstep at the entrance to the New Wing of Government Buildings. pic.twitter.com/SYKrRUQPHF
— Sitiveni Rabuka (@slrabuka) July 25, 2023
