యూట్యూబ్ వీడియో చూసి తలకు బొక్క పెట్టుకున్నాడు..ఎందుకో తెలుసా?
సామాజిక మాధ్యమాల ద్వారా ప్రపంచవ్యాప్తంగా ఉన్న ప్రతి ఒక్క అంశాన్ని సునాయాసంగా తెలుసుకోగలుగుతున్నాము. ఎన్నో తెలియని విషయాలను నేర్చుకుంటున్నాము. మరీ ముఖ్యంగా నేటితరం యువత తమ కెరీర్కు అవసరమైన టెక్నాలజీని , స్కిల్స్ను యూట్యూబ్లోని విడియోలను చూసి నేర్చుకుంటున్నారు. సరికొత్త బిజినెస్ ఐడియాలను, స్టడీ మెటీరియల్ను, ప్రజెంటింగ్ స్కిల్స్ను , పలు భాషలను ఈ యూట్యూబ్ వీడియాలను చూసే నేర్చుకుంటున్నారు అని అనడంలో ఎలాంటి సందేహం లేదు. ఇంకొందరు వీడియోలను చూసి ఏకంగా ఏ మాత్రం అనుభవం లేకుండా సొంతంగా వైద్యం చుసుకుంటారు. ఇలాంటి ఘటనలు బెడిసికొట్టి ప్రాణాల మీదికి తెచ్చుకున్నవారి లిస్ట్ చాలానే ఉంది. తాజాగా ఇలాంటి ఘటనే మరొకటి వెలుగులోకి వచ్చింది.
నిద్రలో కలలను నియంత్రించేందుకు ఓ వ్యక్తి ఏకంగా పెద్ద సాహసమే చేశాడు. తన బుర్రలో ఓ చిప్ పెట్టుకునేందుకు తలకు బొక్కపెట్టుకున్నాడు. ఆ ప్రయోగం కాస్త వికటించడంతో చావు అంచుల వరకు వెళ్లాడు.
యావత్ ప్రపంచాన్ని ఆశ్చర్యపరిచిన ఈ సంఘటన రష్యాలో జరిగింది. కజకిస్థాన్‌లో సెటిల్ అయిన 40 ఏళ్ల మిఖాయిల్‌ రాదుగా ఈ ప్రయోగాన్ని చేశాడు. మిఖాయిల్ను ప్రతి రోజు రాత్రి నిద్రలో కలలు వేధించేవట. వాటిని ఎలాగైనా కంట్రోల్ చేయాలని ఫిక్స్ అయ్యాడు. యూట్యూబ్లో ఇందుకు సంబంధించి అనేక వీడియోలను చూశాడు. బ్రెయిన్లో చిప్ పెట్టుకుంటే కలలను నియంత్రిచొచ్చని నిర్ణయానికి వచ్చాడు. ఈ సర్జరీ కోసం న్యూరో సర్జన్లను సంప్రదించాడు.
అయితే, వైద్యులు అందుకు నిరాకరించారు. ఇక లాభం లేదనుకున్న మిఖాయిల్‌ స్వయంగా ఆపరేషన్ చేసుకోవాలనుకున్నాడు. యూట్యూబ్లో చెప్పినట్లుగా
ఒక డ్రిల్లింగ్ మిషన్ కొనుగోలు చేశాడు. దాంతో తలకు బొక్క పెట్టుకున్నాడు. ఓవైపు రక్తం కారుతున్నప్పటికీ ఏమాత్రం లెక్కచేయకుండా తలలో ఎలక్ట్రోడ్ చిప్‌ను ఫిక్స్ చేసుకున్నాడు. దాదాపు 4 గంటల పాటు ఈ ప్రయోగం చేశాడు. ఇందులో భాగంగా తీవ్ర రక్తస్త్రావం అయ్యింది. దాంతో అతను ప్రాణాపాయంలో పడ్డాడు. అయితే, అతని అదృష్టం బాగుండి..స్థానికులు అతడిని హాస్పిటల్కు తరలించారు. వైద్యులు చికిత్స అందించడంతో పెద్ద ఆపద నుంచి బయటపడ్డాడు.
