Bank Jobs: డిగ్రీ అర్హతతో బ్యాంకు మేనేజర్ ఉద్యోగాలు..
Thumb: నెలకు రూ.70 వేల జీతం!!!
బ్యాంక్ జాబ్స్ కోసం ప్రిపేర్ అవుతున్న అభ్యర్థులకు గుడ్ న్యూస్. సెంట్రల్ బ్యాంక్ ఆఫ్ ఇండియా(Central Bank of India)లో భారీగా మిడిల్ మేనేజ్మెంట్ గ్రేడ్ స్కేల్-2 మేనేజర్ పోస్టులకు నోటిఫికేషన్‌ విడుదలైంది. హ్యూమన్ క్యాపిటల్ మేనేజ్మెంట్ డిపార్ట్‌మెంట్ రెగ్యులర్ ప్రాతిపదికన దేశవ్యాప్తంగా ఉన్న ఈ బ్యాంకు శాఖల్లో ఉద్యోగాల భర్తీకి దరఖాస్తులు ఆహ్వానిస్తోంది. అర్హులైన అభ్యర్థులు జులై 15లోపు https://ibpsonline.ibps.in/cbimmjun23/ వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవచ్చు.
నోటిఫికేషన్‌లో కొన్ని ముఖ్యాంశాలివే..
పోస్టు వివరాలు:
మేనేజర్ (మెయిన్ స్ట్రీమ్)- మిడిల్ మేనేజ్మెంట్ గ్రేడ్ స్కేల్-2: 1000 పోస్టులు
అర్హత: ఏదైనా డిగ్రీ. CAIIB ఉత్తీర్ణులై ఉండాలి. PSB/ ప్రైవేట్ సెక్టార్ బ్యాంక్/RRBలో ఆఫీసర్‌గా మూడేళ్ల పని అనుభవం. లేదా PSB/ ప్రైవేట్ సెక్టార్ బ్యాంక్/ RRBలో క్లర్క్‌గా ఆరేళ్ల పని అనుభవంతోపాటు సంబంధిత విభాగంలో MBA/ MCA/ పోస్ట్ గ్రాడ్యుయేట్ డిప్లొమా ఉత్తీర్ణులై ఉండాలి.
వయోపరిమితి: 31.05.2023 నాటికి 32 ఏళ్లు మించకూడదు.
పే స్కేల్: నెలకు రూ.48,170-రూ.69,810.
పోస్టింగ్ స్థలం: దేశ వ్యాప్తంగా ఉన్న సెంట్రల్ బ్యాంక్ ఆఫ్ ఇండియా శాఖల్లో.
ఎంపిక విధానం: ఆన్‌లైన్ రాత పరీక్ష, పర్సనల్ ఇంటర్వ్యూ ద్వారా ఎంపిక ఉంటుంది.
దరఖాస్తు ఫీజు:రూ.850; ఎస్సీ, ఎస్టీ, దివ్యాంగులు, మహిళా అభ్యర్థులకు రూ.175.
ఆన్‌లైన్ దరఖాస్తుకు చివరి తేదీ: 15.07.2023.
ఆన్‌లైన్ పరీక్ష తేదీ: ఆగస్టు రెండు/ మూడో వారం, 2023.
