చంద్రయాన్-3 భారత్ కలల్ని నిజం చేయాలి.. ప్రధాని మోడీ
నెల్లూరూ జిల్లా శ్రీహరికోటలోని సతీష్ ధావన్ స్పేస్ నుండి మరి కొన్ని నిమిషాల్లో చంద్రయాన్-3 నింగిలోకి దూసుకెళ్లనుంది. భారత అంతరిక్ష సంస్థ ఇస్రో ప్రతిష్టాత్మకంగా చేపట్టిన చంద్రయాన్-3 ప్రాజెక్ట్‌పై దేశ వ్యాప్తంగా తీవ్ర ఉత్కంఠ నెలకొంది. ఈ క్రమంలో ఇస్రో ఇండియా కలల్ని నిజం చేస్తూ చంద్రయాన్– 3 ని విజయవంతంగా ప్రయోగించాలని ప్రధాని నరేంద్ర మోదీ ఆకాంక్షించారు. జులై 14న చంద్రయాన్ – 3 ప్రయోగం సందర్భంగా ఆయన ట్వీట్ చేశారు. 'అంతరిక్ష రంగంలో జులై 14, 2023 చరిత్రలో నిలిచిపోతుంది. జాబిల్లిపైకి చంద్రయాన్ 3 ప్రయాణం మొదలు కానుంది. కోట్ల మంది ప్రజల ఆశల్ని ఈ రాకెట్ నింగిలోకి తీసుకువెళ్తుంది.' అని ప్రధాని ట్వీట్లో పేర్కొన్నారు. భవిష్యత్తులో చంద్రుడిని ఆవాసయోగ్యంగా మార్చుకోవచ్చేమోనని ఆశాభావం వ్యక్తం చేశారు.
ఇక ఢిల్లీ సీఎం అరవింద్ కేజ్రీవాల్ కూడా చంద్రయాన్ 3 పై కీలక వ్యాఖ్యలు చేశారు. ఇస్రో ఎంతో కీలకంగా చేపట్టిన చంద్రయాన్-3 ప్రాజెక్ట్ సక్సెక్ అవ్వాలని కోరుకున్నారు. చంద్రయాన్ 3 మిషన్ ద్వారా మరోసారి భారత్ చంద్రుడిపై అడుగుపెట్టడానికి ప్రయత్నిస్తుందన్నారు. ఈ రోజు భారతదేశానికి ఎంతో ముఖ్యమైన రోజు అని అన్నారు. ఇస్రో సైంటిస్ట్‌లకు, సహయక బృందానికి, దేశ ప్రజలకు ఈ సందర్భంగా కేజ్రీవాల్ శుభాకాంక్షలు తెలిపారు. త్వరలోనే చంద్రుడిపై భారత త్రివర్ణ పతాకాన్ని ఎగరేస్తామని ఆశిస్తున్నానని పేర్కొన్నారు.
ఇదిలా ఉండగా.. శ్రీహరికోటలోని సతీష్ ధావన్ అంతరిక్ష ప్రయోగ కేంద్రం చుట్టుపక్కల కోలాహలం నెలకొంది. విద్యార్థులు మరికొద్దిసేపట్లో నిప్పులు చిమ్ముకుంటూ నింగికెగరనున్న lmv-3 రాకెట్ ని వీక్షించేందుకు జనం బారులు తీరుతున్నారు. అంతా సవ్యంగా జరిగితే- మధ్యాహ్నం 2.35 గంటలకు ఎల్‌వీఎం-3 ఎం4 రాకెట్ నింగిలోకి దూసుకెళ్లనుంది. బాలీవుడ్ ప్రముఖులు అజయ్ దేవ్‌గణ్, అనుపమ్ ఖేర్ తదితరులు శాస్ర్తవేత్తల బృందానికి గుడ్లక్ చెప్పారు.
14th July 2023 will always be etched in golden letters as far as India’s space sector is concerned. Chandrayaan-3, our third lunar mission, will embark on its journey. This remarkable mission will carry the hopes and dreams of our nation. pic.twitter.com/EYTcDphaES
— Narendra Modi (@narendramodi) July 14, 2023
