నవంబర్ 1 నుంచి వీటి ధరల్లో మార్పులు.. ముందే తెలుసుకోండి
ప్రభుత్వ రంగ చమురు మార్కెటింగ్ కంపెనీలు (OMCలు) బుధవారం దేశవ్యాప్తంగా పలు చోట్ల వాణిజ్య LPG సిలిండర్ ధరలను 100 రూపాయలకు పైగా పెంచాయి. దీంతో , LPG వాణిజ్య సిలిండర్ ధర ఢిల్లీలో 1833 రూపాయలకు చేరుకుంది. కాగా గత రెండు నెలల్లో కమర్షియల్ ఎల్‌పీజీ సిలిండర్ ధరలు పెంచడం ఇది రెండోసారి కావడం గమనార్హం. అయితే ఇటీవల డొమెస్టిక్ సిలిండర్ ధరలను రెండు దఫాలుగా మొత్తం నాలుగు వందలకు పైగా తగ్గించింది. కానీ కమర్షియల్ సిలిండర్ ధరలను మాత్రం పెంచుతూనే ఉంది. దీని ప్రభావంతో హోటళ్లు, రెస్టారెంట్లలపై ప్రభావం పడే అవకాశం ఉంది.
సిలెండర్ తో పాటు ఈ నెల నుంచి పెరిగినవి ఇవే..
నవంబర్ 1 నుంచి ఈక్విటీ డెరివేటివ్స్ విభాగంలో లావాదేవీల రుసుమును పెంచుతున్నట్లు బాంబే స్టాక్ ఎక్స్ఛేంజ్ (బీఎస్ఈ) ప్రకటించింది. S&P BSE సెన్సెక్స్ ఎంపికలపై ఈ రుసుము పెంచబడుతుంది. సుంకం పెంపు రిటైల్ ఇన్వెస్టర్లు, వ్యాపారులపై ప్రతికూల ప్రభావం చూపుతుంది.
నవంబర్ 1 నుంచి రూ. 100 కోట్లు లేదా అంతకంటే ఎక్కువ వ్యాపారం చేసే వారు 30 రోజుల్లోగా ఈ-చలాన్ పోర్టల్‌లో జీఎస్టీ చలాన్‌ను అప్‌లోడ్ చేయాల్సి ఉంటుంది.
ఇన్సూరెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియా (IRDAI) కూడా ముఖ్యమైన చర్యలు తీసుకుంది. ఇప్పుడు నవంబర్ 1 నుండి బీమా చేయబడిన వ్యక్తులందరికీ KYC తప్పనిసరి చేయబడింది.
దేశంలో ఉత్పత్తి చేయబడిన ముడి చమురుపై ప్రభుత్వం విండ్‌ఫాల్ ప్రాఫిట్ ట్యాక్స్‌ను పెంచింది. దేశీయంగా ఉత్పత్తి చేసే ముడి చమురుపై స్పెషల్ అడిషనల్ ఎక్సైజ్ డ్యూటీ లేదా SAED రూపంలో విధించే పన్ను టన్నుకు రూ.9,050 నుంచి రూ.9,800కి పెరిగింది.
