Ayodhya Ram Mandir : అయోధ్య చేరుకున్న చిరంజీవి, రామ్ చరణ్

కాసేపట్లో అయోధ్యలో అద్భుత ఘట్టం ఆవిష్కృతం కానుంది. మధ్యాహ్నం 12.29 నిమిషాలకు రాముని ప్రాణ ప్రతిష్ఠ జరగనుంది. దీన్ని కోసం హిందువులు వందల ఏళ్లుగా ఎదురుచూస్తున్నారు. ఇక దేశం మొత్తం నామ స్మరణతో మార్మోగుతోంది. ఈ మహోత్సవానికి ఎంతో మంది ప్రముఖులను అయోధ్య ట్రస్ట్ ఆహ్వానించింది. చాలా మంది ప్రముఖులు ఇప్పటికే అయోధ్య చేరుకున్నారు. ఈ క్రమంలో మెగాస్టార్ చిరంజీవి దంపతులు, రామ్ చరణ్ తేజ్ అయోధ్య చేరుకున్నారు.

అయోధ్య రాముని ప్రాణ ప్రతిష్ఠలో చిరంజీవి దంపతులు, రామ్ చరణ్ తేజ్ పాల్గొననున్నారు. ఈ సందర్భంగా మాట్లాడిన చిరు.. బాలరాముడి ప్రాణ ప్రతిష్ఠ వేడుకల్లో పాల్గొనడం అరుదైన అవకాశంగా భావిస్తున్నట్లు తెలిపారు. నేను ఎంతగానో పూజించే హనుమంతుడే తనకు ఈ ఆహ్వానం పంపించినట్లు ఉందన్నారు. తనకు, తన కుటుంబసభ్యులకు ఇది ఎన్నో జన్మల పుణ్యఫలం అని చెప్పారు. కాగా పవన్ కళ్యాణ్, చంద్రబాబు సైతం అయోధ్య చేరుకున్నారు.