Emmanuel Macron : భారత విద్యార్థుల కోసం ఒక నెట్వర్క్ను సృష్టిస్తాం: ఫ్రాన్స్ ప్రధాని మాక్రాన్
భారత విద్యార్థులకు ఫ్రాన్స్ అధ్యక్షుడు ఇమ్మాన్యుయేల్‌ మాక్రాన్ గుడ్ న్యూస్ చెప్పారు. రానున్న రోజుల్లో ఎక్కువ మంది భారతీయ విద్యార్థులు ఫ్రాన్స్ కు వచ్చి చదువుకునేలా చర్యలు తీసుకుంటామని తెలిపారు. గణతంత్ర దినోత్సవ వేడుకలకు ముఖ్య అతిథిగా హాజరైన ఇమ్మాన్యుయేల్‌ మాక్రాన్.. ఈ మేరకు నిర్ణయం తీసుకున్నారు. 2030 నాటికి దాదాపు 30 వేలమందికి పైగా విద్యార్థులను ఆహ్వానించాలని లక్ష్యంగా పెట్టుకున్నట్లు ఇమ్మాన్యుయేల్‌ మాక్రాన్ చెప్పారు. దీనిద్వారా ఇరు దేశాల మధ్య ద్వైపాక్షిక సంబంధాలు మరింత బలపడతాయని ఆయన ఆశాభావం వ్యక్తం చేశారు.
ఈ విషయాన్ని తన అధికారికి ట్విట్టర్ అకౌంట్ లో పోస్ట్ చేశారు. భారత్ లో తన పర్యటన.. ఇరు దేశాల మధ్య సంబంధాలను మరింత బలోపేతం చేస్తుందని మాక్రాన్ ధీమా వ్యక్తం చేశాడు. ‘ఫ్రెంచ్ ఫర్ ఆల్, ఫ్రెంచ్ ఫర్ ఎ బెటర్ ఫ్యూచర్’ చొరవతో యూనివర్సిటీల్లో ఫ్రెంచ్ భాష నేర్చుకునేందుకు ఒక నెట్వర్క్ ను సృష్టిస్తామని, ఫ్రెంచ్ మాట్లాడలేని వారికోసం అంతర్జాతీయ తరగతులను ఏర్పాటుచేస్తామని ఈ సందర్భంగా ఆయన చెప్పుకొచ్చారు. ఫ్రాన్స్ లో చదివిన పూర్వ విద్యార్థులకు వీసా సదుపాయం కల్పిస్తామని స్పష్టం చేశారు.
30,000 Indian students in France in 2030.
— Emmanuel Macron (@EmmanuelMacron) January 26, 2024
It’s a very ambitious target, but I am determined to make it happen.
Here’s how: pic.twitter.com/QDpOl4ujWb
