Delhi : ఢిల్లీలో భారీగా ట్రాఫిక్ జామ్..కిలో మీటర్ల మేర నిలిచిన వాహనాలు

ఢిల్లీ సరిహద్దు ప్రాంతాల్లో హైటెన్షన్ వాతావరణం నెలకొంది. ఢిల్లీ ముట్టడికి రైతు సంఘాలు పిలుపునివ్వడంతో పలు ప్రాంతాల్లో ఆందోళనలు కొనసాగుతున్నాయి. ఢిల్లీ వైపు సరిహద్దుల నుంచి భారీగా రైతులు కదిలి వస్తున్నారు. రైతుల ఆందోళనలతో ఢిల్లీలో భారీగా ట్రాఫిక్ జామ్ ఏర్పడింది. కిలో మీటర్ల మేర వాహనాలు నిలిచిపోయాయి. పలు చోట్ల అతి నెమ్మదిగా వాహనాలు కదులుతున్నాయి. రైతులు, రైతు కూలీలకు పెన్షన్లు ఇవ్వాలని డిమాండ్ చేశారు. అంతేగాక 2021లో రైతుల పై పెట్టిన కేసులు ఎత్తివేయాలని మరో డిమాండ్ ను లెవనెత్తారు.

రైతులు ఆందోళన పై పోలీసులు ఉక్కుపాదం మోపారు. కేంద్ర భద్రత బలగాలు ఢిల్లీని తన గుప్పిట్లో తీసుకుంది. రహదారులపై బారీకెడ్లు, ముళ్ల కంచెలు వేశారు పోలీసులు. శంభు బార్డర్ లో అన్నదాతలను అడ్డుకునేందుకు వారిపై టియర్ గ్యాస్ ప్రయోగించారు. ఇదిలా ఉంటే కాంగ్రెస్ అగ్రనేత రాహుల్ గాంధీ రైతు సంఘాల నేతలతో భేటీ కానున్నారు.