Actor Vishal: నా ప్రధానికి, ఆయనకూ థాంక్యూ సో మచ్ : విశాల్
కోలీవుడ్ నటుడు విశాల్ సెంట్రల్ బోర్డ్ ఆఫ్ ఫిల్మ్ సర్టిఫికేషన్పై సెన్సేషనల్ కామెంట్స్ చేసిన విషయం తెలిసిందే. తాను నటించిన సినిమా మార్క్ ఆంటోనీ హిందీ వర్షన్ విడుదల కోసం సెన్సార్‌ బోర్డ్ రూ.6.5 లక్షలు లంచం తీసుకున్నారంటూ ప్రూఫ్స్తో సహా ఓ వీడియోను విడుదల చేశాడు. ఈ విషయంపై సెంట్రల్ ఇన్ఫర్మేషన్ అండ్ బ్రాడ్కాస్టింగ్ డిపార్ట్మెంట్ వెంటనే స్పందించింది. ఈ అంశంపై విచారణ చేపట్టాలని ఒక సీనియర్‌ ఆఫీసర్ను నియమించి ముంబైకు పంపింది. అంతేకాదు సెంట్రల్ బోర్డ్ ఆఫ్ ఫిల్మ్ సర్టిఫికేషన్ వేధింపులకు గురైన వారు ఎవరైనా ఉంటే వారి సమస్యను తెలిపేందుకు jsfilms.inb@nic.inను సంప్రదించాలని కేంద్ర సమాచార శాఖ తెలిపింది.
ఈ విషయంపై మరోసారి హీరో విశాల్ స్పందించాడు. " నా ఫిర్యాదుతో వెంటనే స్పందించి తక్షణ చర్యలు చేపట్టినందుకు కేంద్ర సమాచార, ప్రసార శాఖకు నా హృదయపూర్వక కృతజ్ఞతలు.ఇది చాలా సంతోషించాల్సిన విషయం. లంచం తీసుకున్నవారిపై తగిన చర్యలు తీసుకుంటారని ఆశిస్తున్నాను. ఈ సంఘటన అవినీతికి పాల్పడే ప్రతి అధికారికి ఒక ఉదాహరణగా నిలుస్తుందని ఆశిస్తున్నా. దేశంలో అవినీతి పెరగకుండా నిజాయితీ గల సేవా మార్గాన్ని తీసుకోవాలని ఆశిస్తున్నా. నా కంప్లైంట్తో వెంటనే రియాక్ట్‌ అయ్యేలా చూసిన నా ప్రధాని నరేంద్ర మోదీ గారికి, మహారాష్ట్ర ముఖ్యమంత్రి గారికి మరోసారి నా హృదయపూర్వక కృతజ్ఞతలు. నా లాంటి సామాన్యుడికి సర్కార్ నుంచి న్యాయం జరుగుతుందనే నమ్మకం పెరుగుతుంది" అంటూ విశాల్ తెలిపాడు.
I sincerely thank @MIB_India for taking immediate steps on this important matter pertaining to corruption issue in #CBFC Mumbai. Thank you very much for the necessary action taken and definitely hoping for this to be an example for every government official who intends to or is…
— Vishal (@VishalKOfficial) September 30, 2023
