బ్యాంక్ జాబ్స్ కోసం ఎదరుచూసేవారికి గుడ్ న్యూస్
బ్యాంకు ఉద్యోగాల కోసం సిద్ధమవుతున్న అభ్యర్థులకు ఐబీపీఎస్ గుడ్ న్యూస్. 4,045 క్లర్క్ పోస్టుల భర్తీ కోసం నోటిఫికేషన్ విడుదల చేసింది. ఈ నోటిఫికేషన్తో సెంట్రల్ బ్యాంక్ ఆఫ్ ఇండియా, పంజాబ్ నేషనల్ బ్యాంక్, యూనియన్ బ్యాంక్ ఆఫ్ ఇండియా, బ్యాంక్ ఆఫ్ మహారాష్ట్ర, బ్యాంక్ ఆఫ్ బరోడా, కెనరా బ్యాంక్ సహా పలు బ్యాంకుల‌లో ఖాళీల‌ను భర్తీ చేయ‌నుంది. 2023 సంవత్సరానికి గానూ కామన్ రిక్రూట్మెంట్ ప్రక్రియ ద్వారా ఈ నియామకాలను చేపడుతోంది.
ఈ పోస్టులకు డిగ్రీ చేసిన అభ్యర్థులు అర్హులు. అర్హులైనవారు జులై 1 నుంచి జులై 21 వరకు ఆన్‌లైన్‌లో దరఖాస్తు చేసుకోవచ్చు. ప్రిలిమినరీ ఎగ్జామ్ ఆగష్టు లేదా సెప్టెంబర్ల్లో నిర్వహిస్తారు. మెయిన్‌ పరీక్ష 2023 అక్టోబర్లో జరుగుతుంది.
వ‌య‌సు: 20-28 ఏళ్ల మ‌ధ్య ఉండాలి.
ఎంపిక విధానం: రెండు దశల్లో కంప్యూటర్ ఆధారిత రాత పరీక్ష ఉంటుంది. మొదటిది ప్రిలిమ్స్ 100 మార్కులకు, రెండోది మెయిన్స్ 200 మార్కులకు ఉంటుంది. ప్రిలిమ్స్ లో అర్హత సాధించిన వారికి మాత్రమే మెయిన్స్ రాసే అవకాశం ఉంటుంది.
పూర్తి వివరాలకు వెబ్‌సైట్: https://www.ibps.in/
