సరదాగా కొంటే ఇంతా.. భారతీయుడి సుడి మామూలుగా లేదుగా

ప్రయాణంలో సరదాగా కొన్న లాటరీ టికెట్ రాత్రికి రాత్రి కోటీశ్వరుడిని చేసింది. ముంబైకి చెందిన ఓ వ్యక్తి దుబాయ్‌లో భారీ జాక్‌పాట్‌ కొట్టాడు. లాటరీ టికెట్లు కొనడం అలవాటు లేని అతడు ఓసారి ట్రై చేద్దామని కొని లక్ష్మీపుత్రుడయ్యాడు. ముంబైకి చెందిన వినయ్ శ్రీకర్ చంద్రశేఖర్ గత నెల సౌదీ అరేబియాలోని తబుక్ నగరానికి వెళ్తూ బాయ్ డ్యూటీ ఫ్రీ రాఫెల్‌ లాటరీ మిలీయనియమ్ మిలియనీర్ టికెట్ కొన్నాడు. ఆన్‌లైన్‌లో 429 సీరిస్‌లో 3588 నంబర్ టికెట్ తీసుకున్నాడు.

బుధవారం డ్రా తీయగా ఆ టికెట్‌కు రూ. 8.20 కోట్లు (10 లక్షల డాలర్లు) తగిలాయి. ప్రయాణంలో పొద్దుపోక టికెట్ కొన్నానని, ఇంత భారీ మొత్తం వస్తుందని ఊహించలేకపోయనని శ్రీకర్ చెప్పాడు. ఇదే లాటరీలో న్యూఢిల్లీకి చెందిన అరుణ్ సిన్హా అనే వ్యక్తికి మెర్సిడెస్ బెంజి ఎస్ 500 కారు తగిలింది. దీని విలువ దాదాపు రూ. 1.80 కోట్లు. దుబాయ్ లాటరీల్లో ఇటీవల పలువురు భారతీయుకు భారీ జాక్ పాట్లు తగులుతున్నాయి. ఇతర ఇరవై ఏళ్లలో వందలమంది భారతీయులు కోటీశ్వరులయ్యారు. 10 లక్షల లాటరీ గెల్చుకున్నవారిలో శ్రీకర్ 212వ విజేత అంటే మనవాళ్లు ఏ రేంజ్ లో టికెట్లు కొంటున్నారో అర్థం చేసుకోవచ్చు.