రన్ వేను తాకిన తోక భాగం.. ఇండిగో ఫ్లైట్కు తప్పిన పెను ప్రమాదం

ఢిల్లీలో ఇండిగో విమానానికి పెను ప్రమాదం తప్పింది. ఢిల్లీ ఎయిర్ పోర్టులో ఫ్లైట్ రన్ వేపై ల్యాండ్ అవుతున్న సమయంలో దాని తోక భాగం నేలను తాకింది. పైలెట్లు అప్రమత్తంగా వ్యవహరించడంతో ఫ్లైట్ సేఫ్గా ల్యాండైంది. రెండ్రోజుల క్రితం జరిగిన ఈ ఘటన ఆలస్యంగా వెలుగులోకి వచ్చింది.

జూన్ 11న కోల్కతా నుంచి వచ్చిన ఇండిగో వీటీ-ఐఎంజీ ఫ్లైట్ ఢిల్లీలోని ఇందిరాగాంధీ ఇంటర్నేషనల్ ఎయిర్ పోర్టులో ల్యాండింగ్కు సిద్ధమైంది. విమానం రన్ వేపైకి చేరగానే దాని తోక భాగం నేలను తాకింది. దీంతో విమానం స్వల్పంగా కుదుపులకు లోనైంది. పైలెట్లు అప్రమత్తంగా వ్యవహరించడంతో ఫ్లైట్ సురక్షితంగా ల్యాండైంది. ఈ ఘటనకు సంబంధించి డైరెక్టర్ జనరల్ ఆఫ్ సివిల్ ఏవియేషన్ ఓ ప్రకటన విడుదల చేసింది.

‘‘విమానం ల్యాండ్‌ అయ్యేంత వరకు ఏ సమస్యా తలెత్త లేదు. ఫ్లైట్ రన్‌వేను సమీపిస్తుండగా విమానం భిన్నంగా కదులుతున్నట్లు పైలట్లు గుర్తించారు. అలాగే ల్యాండింగ్‌ ప్రక్రియను ప్రారంభించారు. అయితే విమానం దిగే సమయంలో దాని తోకభాగం రన్‌వే నేలను తాకింది’’ అని డీజీసీఏ చెప్పింది. ఈ ఘటనలో విమానం తోక భాగం దెబ్బతింది. దీంతో దాని ఆ ఫ్లైట్ సర్వీసులు నిలిపివేసినట్లు ఇండిగో ప్రకటించింది. ఘటనపై దర్యాప్తు చేస్తున్నట్లు ప్రకటించిన డీజీసీఏ.. అది పూర్తయ్యే దాకా విమానం నడిపిన పైలట్లను విధుల నుంచి తప్పించినట్లు స్పష్టం చేసింది.