Accident: దంపతులను కారుతో ఢీకొట్టిన ప్రముఖ నటుడు.. మహిళ మృతి

కన్నడ నటుడు నాగభూషణ అరెస్ట్ అయ్యారు. యాక్సిడెంట్ కేసులో పోలీసులు ఆయన్ని అరెస్ట్ చేశారు. ఆయన కారుతో అతివేగంగా వెళ్లి ఓ జంటను ఢీకొట్టాడు. ఈ ప్రమాదంలో భార్య మరణించగా.. భర్త ఆస్పత్రిలో చికిత్స పొందుతున్నాడు. పోలీసులు కేసు నమోదు చేసుకుని నాగభూషణను అదుపులోకి తీసుకుని విచారిస్తున్నారు. ప్రస్తుతం ఈ అంశం చర్చనీయాంశంగా మారింది.

నటుడు నాగభూషణ శనివారం రాత్రి తన కారులో ఉత్తరహళ్లి నుంచి కోననకుంట వైపు వెళ్తున్నాడు. రాత్రి 9.45 గంటల సమయంలో వసంతపుర ప్రధాన రహదారి వద్ద ఫుట్ పాత్పై నడుచుకుంటూ వెళ్తున్న భార్యాభర్తలను ఢీకొట్టింది. తరువాత ఓ కరెంట్ పోల్ ను ఢీకొని ఆగిపోయింది. ఈ ప్రమాదం దంపతులకు తీవ్రగాయాలవ్వగా.. ఆస్పత్రికి తరలించేలోపే మహిళ మరణించింది. ప్రస్తుతం భర్త కృష్ణ ఆస్పత్రిలో చికిత్స పొందుతున్నాడు. దంపతుల కొడుకు ఫిర్యాదుతో పోలీసులు కేసు నమోదు చేసుకుని అతడిని అరెస్ట్ చేశారు.

నాగభూషణ నిర్లక్ష్యం వల్లే ఈ ప్రమాదం జరిగినట్లు అతడు ఆరోపించాడు. కాగా కన్నడలో 2018లో విడుదలైన సంకష్ఠ కర గణపతి అనే సినిమాతో నాగభూషణ ఎంట్రీ ఇచ్చాడు. కౌసల్య సుప్రజా రామ, డేర్​డెవిల్​ ముస్తాఫా, బడవ రాస్కెల్​, ఇక్కాత్,హనీమూన్​ వంటి పలు సినిమాల్లో నటించారు. ఇక్కాత్​ చిత్రంలో నటనకు గాను సైమా ఆవార్డు కూడా అందుకున్నాడు.

#Kannada actor #Nagabhushana rammed his #car into a couple walking on the #footpath near #Vasanthnagar main road in #Bengaluru around 9.45 pm. The woman died.
He was heading towards Konanakunte from Uttarahalli. Actor himself took the couple to the hospital. #accident #arrest pic.twitter.com/tAWrdX2yR2

— Madhuri Adnal (@madhuriadnal) October 1, 2023