Dream11 One Crore Winner : ఆన్‌లైన్‌లో క్రికెట్ బెట్టింగ్.. ఎస్ఐకు రూ. కోట్ల జాక్పాట్.!!
ఆన్‌లైన్ ఫాంటసీ క్రికెట్ ప్లాట్‌ఫామ్ ‘డ్రీమ్ 11’ ఓ ఎస్సైని రాత్రికి రాత్రే కోటీశ్వరుడ్ని చేసింది. దీంతో ఆ పోలీస్ అధికారి కుటుంబం సంబరాలు జరుపుకుంటోంది. దసరాకు ముందే తమ ఇంట్లో పండుగ వాతావరణం నెలకొందని సంతోషం వ్యక్తం చేస్తున్నది. మహారాష్ట్రలోని పింప్రి చించ్వాడ్ పోలీస్ కమిషనరేట్కు చెందిన( Somnath Zende) సోమ్నాథ్ జెండే... (Dream11 One Crore Winner) డ్రీమ్ 11లో రూ.1.5 కోట్లు గెలుచుకున్నారు.
మూడు నెలలుగా సోమ్నాథ్ డ్రీమ్ 11లో తన అదృష్టాన్ని పరీక్షించుకుంటున్నారు. భారత్ వేదికగా జరుగుతున్న వన్డే ప్రపంచకప్లో భాగంగా మంగళవారం జరిగిన ఇంగ్లాండ్- బంగ్లాదేశ్ మ్యాచ్లో సోమ్నాథ్ బెట్టింగ్ వేశారు. మ్యాచ్లో ది బెస్ట్ గా ఆడిన ప్లేయర్లతోనే టీమ్ను ఎంపిక చేసుకున్న ఆయన.. ఫాంటసీ గేమ్లో అగ్రస్థానంలో నిలిచి రూ.1.5 కోట్లు గెలుచుకున్నారు. ఈ విషయం తెలిసి కుటుంబంలో ఒకరికొకరు మిఠాయిలు పంచుకుంటూ సంబరాలు చేసుకున్నారు. తాను కొన్ని నెలలుగా డ్రీమ్ 11లో అదృష్టాన్ని పరీక్షించుకుంటున్నానని.. అయితే ఇంతవరకు సక్సెస్ కాలేకపోయానని చెప్పుకొచ్చారు సోమనాథ్. మంగళవారం కూడా తన అదృష్టాన్ని పరీక్షించుకునేందుకు డ్రీమ్ 11 టీమ్ను ఎంచుకున్నానని, ఆ తర్వాత తన టీమ్ టాప్లోకి వచ్చిందన్నారు. టాప్ లోకి రాగానే వెంటనే రూ.1.5 కోట్ల గెలుచుకున్నట్లు మెసేజ్ వచ్చిందని.. మొత్తానికి చాలా సంతోషంగా ఉందని తెలిపారు.
